बौनिया । नेपाल रेडक्रस सोसाइटी उपशाखा कोटातुल्सीपुरको २२औं अधिवेशन शुक्रबार सम्पन्न भएको छ । शुक्रबार कैलालीको बर्दगोरिया गाउँपालिका वडा नम्बर ४ मा रहेको उपशाखाको २२ औं अधिवेशन सम्पन्न भएको हो ।
उपशाखा कोटातुल्सीपुरका सभापति पुष्कर मल्लको सभाअध्यक्षमा भएको कार्यक्रमको प्रमुख अथिती बर्दगोरिया गाउँपालिका अध्यक्ष बलिराम डगौरा थारु रहनु भएको थियो ।
यस्तै कार्यक्रममा बिशिष्ट नेपाल रेडक्रस सोसाइटी कैलाली जिल्ला शाखा सभापति बासु विनाडी, बर्दगोरिया गाउँपालिका उपाध्यक्ष भगवती डगौरा थारु, वडा नम्बर ४ का वडा अध्यक्ष पुरन सिंह विसी, नेपाल रेडक्रस सोसाइटी कैलाली जिल्ला शाखा मन्त्री लोकराज जोशी,लगाएतका व्यक्तिहरुको सहभागिता रहेको थियो ।
अधिवेशनले टेक बहादुर मल्ललाई सभापतिमा चयन गरेको छ । यस्तै उपसभापतिमा लालपरी चौधरी,सचिवमा हरिराम डगौरा कोषाध्यक्षमा देवानन्द जोशी, सहसचिबमा जगत बहादुर शाही र धन बहादुर बमलाई सहकोषाध्यक्षमा चयन गरेको छ ।
यस्तैगरि सदस्यहरुमा भिम दत्त बिनाडी ,मीन बहादुर बम
,निर्मला बम,गणेश प्रसाद मिश्र,लाल बहादुर भुल रहेका छन ।
