बर्दगोरिया । कैलालीको बर्दगोरिया गाउँपालिका वडा नम्बर ६ जोकाहीमा निर्माण भएको श्री मोहन्याल सिचाइ डिप ट्युबवेल बोरिङ्ग सिंचाइ आयोजना संचालनमा आएको छ । 
संचालनमा आएको सिचाइ आयोजनाको बिहिवार बर्दगोरिया गाउँपालिका वडा नम्बर ६ का वडा अध्यक्ष रामकृष्ण डगौरा थारु (रन्जित) ले उद्घाटन गर्नु भएको छ । श्री मोहन्याल सिचाइ डिप ट्युबवेल बोरिङ्ग निर्माण उपभोक्ता समितिका अध्यक्ष बुधराम चौधरीको सभाध्यतामा भएको कार्यक्रममा वडा नम्बर ६ का वडा सदस्य अमर सिंह डगौरा, हिक्मत कठायत तथा समाजसेवी दिर्घ बिनाडी विशिष्ट अतिथि रहनुभएको थियो ।
कार्यक्रमलाई सम्बोधन गर्दै वडा अध्यक्ष रामकृष्ण ड्गौरा थारुले सिचाइ आयोजना संचालन हुनु यहाँका किसानको लागि निकै खुशीको कुरा भएको बताउनुभयो । सिचाइ आयोजनाले कृषि खेतीबाट जिविको पार्जन गर्ने किसानदेखि व्यवसायीक रुपले कृषि खेती गर्नेलाई ठूलो सहयोग पुर्याउने बताउनुभयो । 
उहाँले यसअघि प्रयाप्त सिचाइको सुबिधा नहुदा यहाँका आम किसानले कृषि कार्यबाट उचित प्रतिफल र आम्दानी गर्न नसकेको बताउदै अब सिचाइ आयोजना संचालन पश्चात् त्यो समस्या समाधान भएको बताउनुभयो ।
वडा अध्यक्ष थारुले सिचाइ आयोजनालाई व्यवस्थित रूपमा संचालन गरि यसको सुरक्षाका साथै सिचाइको सुबिधा लिने आम किसान दाजुभाइ तथा दिदिबहिनीलाई समान व्यवहार र नियमका साथ आयोजनालाई पार्दशी रूपमा संचालन गर्न निर्देशन समेत दिनुभयो ।
उहाँले लामो समयपछि सिचाइ आयोजना संचालन हुनु खुशीको कुरा रहेको बताउदै यस क्षेत्रका किसानहरुको कृषि उत्पादन वृद्धि हुनेमा समेत विश्वस्त रहेको बताउनुभयो ।
सुदुरपश्चिम प्रदेश सरकारको भौतिक पूर्वाधार विकास मन्त्रालय भुमिगत जलस्रोत तथा सिचाई विकास डिभिजन कार्यालय धनगढी, कैलालीको आर्थिक सहयोगमा निर्माण भएको सिचाई आयोजनाले बर्दगोरिया ६ जोकाही ,सुगरखालका किसान लाभान्वित हुनेछ्न । यसबाट करिब ६० हेक्टर जमिन सिचाइ हुनेछ ।
