बेमौसमी वर्षाले पुर्याएको क्षतिको विवरण पेशगर्न किसानलाई बर्दगोरिया गाउँपालिको आग्रह(सूचना )
बौनिया(कैलाली) । कैलालीको बर्दगोरिया गाउँपालिकाले बेमौसमी वर्षाका कारण भएको क्षतिको विवरण पेसगर्न किसानहरूलाई आग्रह गरेको छ । गत असोज ३१ गतेदेखि परेको वर्षा,हावाहुरी ,डुवान, कटान, र बाढीका कारण खेतिजन्य बस्तुको विवरण पेस गर्न किसानलाई आग्रह गरेको हो ।
बिहीवार एक सूचना जारी गर्दै पालिकाले बेमौसमी वर्षाबाट भएको खेतिजन्य बस्तु धान, तोरी, आलु, तरकारी ,फलफूल आदिमा के- कति हानी नोक्सानी पुर्याएको हो ? त्यसको सत्यतथ्य विवरण ७ दिनभित्र सम्बन्धित वडा कार्यालयमा बुझाउन निर्देशन गरेको हो ।
विवरण बुझाउदा किसानले एकप्रति नेपाली नागरिकताको प्रतिलिपी, जग्गा धनी लालपुर्जा ,वा ठेक्कामा खेती गरिएको भए त्यसको सम्झौतापत्र, ऐलानी जग्गाको हकमा भए वडाको सिफारिस ,कर तिरेको रसिद वा अन्य कागजपत्र समेत बुझाउनुपर्ने छ ।
वर्षा र डुबानले गरेको क्षतिको एकिन तथ्यांक संकलन गरि तत्पश्चात उनीहरूलाई राहात सहयोगको काम थाल्ने पालिकाले जनाएको छ ।
बेमौसमी वर्षाले बर्दगोरियाका ७५ प्रतिशत किसानको धानमा क्षति पुर्याएको आकलन सवै वडाहरुमार्फत तथ्यांक संक्लनको काम गर्ने तयारी
बौनिया(कैलाली) । बेमौसमी वर्षाका कारण कैलालीको बर्दगोरियामा ७५ प्रतिशत किसानको धानखेतीमा क्षति पुर्याएको आकलन गरिएको छ । गत आइतबारदेखि मंगलबारसम्म परेको बेमौसमी वर्षा र बाढीको डुबानले पालिकाका ६ वटै वडामा रहेका किसानले भित्राउन ठिक्क पारेको धानमा क्षति पुर्याएको हो ।
वर्षाका कारण यहाँका ७५ प्रतिशत किसानले भित्राउनका लागि काटेको धान खेतमै तैरिएको पाइएको पालिकाका आर्थिक विकास समिति संयोजक भेखु चौधरीले जानकारी दिए । यसपटकको बेमौसमी वर्षा र डुबानले यहाँका सैयौ किसान प्रभावित बनेको चौधरीले जानकारी दिए ।
वर्षा र डुबानले यहाँका किसानलाई पारेको क्षतिबारे ६ वटै वडामा गरिएको अनुगमनका क्रममा किसानको अबस्था दयनीय पाइएको उनले बताए । उनले भने – हामीले यहाँका ६ वटै वडामा अनुगमन गर्यौ, जसबाट किसानले भित्राउनका लागि काटेको ७५ प्रतिशत धान खेतमै तैरिएको पाएको छौ । यसबाट किसान नराम्ररी प्रभावित भएका छ्न, किसानलाई उचित राहतको व्यवस्थापनका लागि पहल थाल्दैछौ ।
संयोजक चौधरीकाअनुसार बेमौसमी वर्षाले सबैभन्दा बढी वडा नम्बर ६,५,२, ४ ,१ र ३ मा पारेको छ । वर्षाले किसानलाई पारेको समस्या समाधान र राहत कसरी प्रदान गर्न सकिन्छ भन्ने बारेमा बिहीबार पालिकाको आर्थिक विकास समितिको बैठक समेत बसेको थियो । बैठकले किसानलाई उचित राहात प्रदान गर्नका लागि के – कसरी अगाडि बढ्न सकिन्छ भन्ने बारेमा छलफल गरेको संयोजक चौधरीले बताए । उनकाअनुसार अब पालिकाले मातहतका सवै वडाहरु मार्फत तथ्यांक संक्लनको काम गर्नेछ ।
किसानको मुख्य खाद्य बालिका रूपमा पर्ने धान वर्षाले खेतमै तैरिएपछि यसपालि भोकमरी पर्नेहोकी भन्ने यहाँका किसानलाई चिन्ता छाएको पालिकाका कृषि विकास अधिकृतहरूको झङ्कर बहादुर रावतले बताए ।
उनले यसवर्ष बर्दगोरियामा १० देखि १५ प्रतिशतले धान उत्पादन वृद्धि हुने आकलन गरिएको भएपनि धान भित्राउने बेला आएको बेमौसमी वर्षाले ठूलो क्षति पूराएको छ ।
बर्दगोरियामा वर्षाका कारण भित्र्याउन लागिएको सैयौ किसानको धानबाली नष्ट, पालिकाको टोलीद्वारा अनुगमन
रमेश बम, बौनिया(कैलाली) । आइतबारदेखिको बेमौसमी वर्षाका कारण कैलालीको बर्दगोरियामा सैयौ बिगाहमा लगाएको धानखेती नस्ट हुने अबस्थामा पुगेको छ । वर्षाका कारण किसानले भित्राउनका लागि काटेको धान खेतमै तैरिएपछि सैयौ किसान प्रभावित बनेका छ्न ।
लगातारको वर्षाका कारण पालिका अन्तर्गतका ६ वटै वडाका किसानले लगाएको धानखेती नस्ट हुने अबस्थामा पुगेको कृषि विकास अधिकृतहरूको झङ्कर बहादुर रावतले जानकारी दिनुभयो । उहाँका अनुसार पालिकाका ६ वटै वडाका किसानले भित्राउनका लागि काटेर राखेको धान खेतमै वर्षाको पानीले डुबाएको छ भने यहाँका किसानले गरेको केराखेतिमा समेत असर पारेको छ । उहाँका अनुसार अझै पानी परे धान पुरै नस्ट हुने अबस्थामा पुगेको छ ।
किसानको मुख्य खाद्य बालिका रूपमा पर्ने धान वर्षाले खेतमै तैरिएपछि यसपालि भोकमरी पर्नेहोकी भन्ने यहाँका किसानलाई चिन्ता छाएको छ । कृषि विकास अधिकृत रावतकाअनुसार यहाँका २०-२५ प्रतिशत किसानले मात्रै धान भित्राएका छ्न भने ३५ प्रतीशत किसनले धान काट्न बाकी रहेको र अन्यले काटीसकेका छ्न । जुन केही दिनदेखिको वर्षाले डुवानमा पारिसकेको पाइएको छ ।
यसवर्ष बर्दगोरियामा १० देखि १५ प्रतिशतले धान उत्पादन वृद्धि हुने आकलन गरिएपनि धान भित्राउने बेला आएको बेमौसमी वर्षाले ठूलो क्षतिपूराएको अनुमान छ । उहाँका अनुसार बर्दगोरियाको ३ हजार ३ सय ४४ विगाहा क्षेत्रफल मध्य २५ सय विगाहमा किसानले धान खेती गर्दै आएका छ्न । पालिकाले वडा नम्बर २ लाई नै मुख्यगरि धानखेतीको लागि पकेट क्षेत्र निर्धारण गरेको छ। तर लगातारको वर्षाले वडा नम्बर १ देखि ६ सम्मका किसानको धानबालीमा ठूलो क्षति पुर्याएको पाइएको छ ।
वर्षाका कारण किसानको धानखेतीको अबस्था बुझ्न मंगलबार बर्दगोरिया गाउँपालिकाको टोलि अनुगमनमा समेत गएको थियो । अनुगमनका क्रममा किसानले काटेर भित्राउनका लागि तयारी अबस्थामा राखेको थुप्रै धान खेतमै डुबानमा पारेको अबस्थामा भेटिएको अनुगमन समिति संयोजक भगवती देवि डगौराले बताउनुभयो । उहाँले लगातारको वर्षाले वडा नम्बर एकदेखि ६ सम्मका सवै किसान मारमा पारेको बताउनुभयो ।
अनुगमन समिति संयोजक डगौराको नेतृत्वमा कृषि विकास अधिकृतहरूको झङकर रावत,सहकारी शाखा प्रमुख सिताराम चौधरी, कृषि शाखा प्राविधिक वीरेन्द्र चौधरी ,रमेश देवकोटा, कृषि शाखा इकाई पृथ्वीपुरकि आशिका कुमारी कठरीया, ईलाका प्रहरी कार्यालय बौनियाका प्रहरी प्रमुख भिमदत्त जोशी लगाएतको टोलि सहभागी थियो । टोलिले मंगलबार वडा नम्बर १ र ६ मा अनुगमन गरेको हो,भने बुधबार अन्य वडामा अनुगमन गर्नेछ ।
प्रभावकारी बन्दै स्वास्थ्य बीमा
वालिङ । वालिङस्थित गह्रौँ प्राथमिक अस्पतालमा स्वास्थ्य बीमा लागू भएसँगै स्वास्थ्य जाँच गराउनेको सङ्ख्या बढ्दै गएको छ । निजी क्लिनिक, फार्मेसी तथा पोखरा, पाल्पाका अस्पतालमा गएर उपचार गर्ने वा स्वास्थ्य जाँच गराउने यहाँका नागरिक पछिल्लो समय स्वास्थ्य बीमामार्फत वालिङमै उपचार गराउन थालेका हुन् ।
गह्रौँ प्राथमिक अस्पतालमा २०७६ जेठ १ गतेदेखि लागू भएको स्वास्थ्य बीमाबाट स्वास्थ्य जाँच गराउने, औषधि लिनेको सङ्ख्या बर्सेनि वृद्धि हुँदै गएको अस्पतालको बीमा शाखामा कार्यरत प्रमोद जिसी (शङ्कर) ले जानकारी दिनुभयो ।
अस्पतालमा गत वैशाख १ देखि भदौ मसान्तसम्म पाँच महिनाको अवधिमा सात हजार ८३५ ले स्वास्थ्य सेवा लिइसकेका छन् । त्यस्तै २०७७ को वैशाखदेखि चैत मसान्तसम्म कूल २० हजार ४७७ र २०७६ जेठ १ देखि चैत मसान्तसम्म १४ हजार १९९ बीमितले स्वास्थ्य सेवा लिएका छन् । अस्पतालमा स्वास्थ्य बीमा लागू भएदेखि गत भदौ मसान्तसम्ममा कूल ४२ हजार ५११ जना बीमितले बीमा कार्डमार्फत स्वास्थ्य उपचार तथा औषधि लिएका जिसीले बताउनुभयो ।
स्याङ्जा जिल्लाकै मध्यभाग वालिङमा रहेको गह्रौँ प्राथमिक अस्पतालमा वालिङ नगरपालिकासहित, गल्याङ, चापाकोट, भीरकोट नगरपालिका तथा छिमेकी जिल्ला दक्षिण पर्वत र पाल्पाको केही भागका बिरामीले यहाँबाट सेवा लिने गरेका अस्पतालले जनाएको छ । “अस्पतालमध्ये भाग वा धेरै ठाउँको पायक पर्ने स्थानमा भएकाले पनि यहाँ जिल्लाका अन्य स्वास्थ्य संस्थाको तुलनामा धेरै बिरामी स्वास्थ्य सेवा लिन आउने गर्नुहुन्छ”, जिसीले भन्नुभयो, “यहाँबाट दैनिक ९० बढी बिरामीले स्वास्थ्य सेवा लिनुहुन्छ ।”
वालिङ नगरपालिकाभित्र २१ प्रतिशत नागरिक गरिबीको रेखामुनि रहेकाले उनीहरूका नगरपालिकाले निःशुल्करूपमा स्वास्थ्य बीमा गरिदिने नगर प्रमुख दिलीपप्रताप खाँणले बताउनुभयो । “स्वास्थ्य बीमा गर्नतर्फ वालिङका नागरिकलाई प्रेरित गरेका छौँ”, प्रमुख खाँणले भन्नुभयो, “जसले स्वास्थ्य बीमा गर्न सक्दैनन्, जसको आर्थिक अवस्था कमजोर छ उनीहरुको निःशुल्क बीमा नगरपालिकाले गरिदिन्छौँ ।” वालिङ प्राथमिक अस्पतालमा स्वास्थ्य बीमा गर्नेको छुट्टै लाइन बनाइएको र बिना झण्झट सेवा प्रदान गर्ने व्यवस्था मिलाइएको प्रमुख खाँणले बताउनुभयो ।
नगरपालिकाले न्यून आय भएका वा गरिबीको रेखामुनि रहेका २१ प्रतिशत नागरिक तथा राष्ट्रिय र स्थानीय तहका खेलाडी तथा परिवारको नगरपालिकाले निःशुल्क बीमा गरिदिने प्रमुख खाँणले बताउनुभयो । स्याङ्जा जिल्लाभरिमै सबैभन्दा राम्रो र धेरैले सेवा लिने गह्रौँ प्राथमिक अस्पताल भएकाले यसलाई नमूनाको रुपमा अगाडि बढाउन सकिने राष्ट्रिय बीमा बोर्डका सिनियर अहेब भगवान रेग्मीले बताउनुभयो ।
अस्पतालले बीमाबाट पाउने औषधि पर्याप्त मात्रामा उपलब्ध गराउनुका साथै राम्रो सेवा दिएका कारण स्वास्थ्य जाँच गराउन वा औषधि लिन आउनेको सङ्ख्यामा वृद्धि भएको हो । जिल्लाका अन्य पालिकामा रहेका स्वास्थ्य संस्थामा भन्दा यस स्वास्थ्य संस्थाले बीमाबापतको रकम बीमा बोर्डबाट धेरै भित्र्याउने गरेको दाबी रेग्मीको छ ।
प्राप्त हुने औषधि सेवाग्राहीलाई उपलब्ध गराउँदै आएको अस्पतालले जनाएको छ । कोभिड–१९ को महामारीका समयमा यस अस्पतालमा वालिङ नगरपालिकाले आइसोलेसन सेन्टर स्थापना गरी निःशुल्क उपचारको व्यवस्था मिलाएको स्वास्थ्य शाखा प्रमुख कमलप्रसाद पाण्डेले जानकारी दिनुभयो । यहाँ भर्ना भएर बसेका कोरोना सङ्क्रमित तथा कुरुवालाई नगरपालिकाले निःशुल्क खाना, खाजा तथा औषधिसमेत उपलब्ध गराएको थियो ।
केही समयअघि शेयरकास्ट इनिसियटिभ नेपालले गरेको मत सर्भेक्षणका आधारमा वालिङस्थित यस अस्पतालले कोरोना रोकथाम तथा नियन्त्रणका क्षेत्रमा निक्कै उदाहरणीय र प्रशंसनीय रहेको तथ्याङ्क सार्वजनिक गरेको थियो ।
रासस
काठमाडौ । मौसम पुर्बानुमान महाशाखाका अनुसार हाल बंगालको खाडीमा र मध्य भारतमा रहेका (उत्तरतिर सर्दै गरेको) न्यून चापीय प्रणालीहरु र पश्चिमी वायु प्रणालीको संयुक्त प्रभाव नेपालमा रहेको छ। जसका कारण बुधबारसम्म पनि देशका धेरै स्थानमा वर्षाको सम्भावना छ । हाल देशको अधिकांश भू-भागमा सामान्य देखि पूर्ण बदली रही सुदूरपश्चिम, कर्णाली, लुम्बिनी र गण्डकी प्रदेशका केही स्थानहरुमा र बाँकी प्रदेशका थोरै स्थानहरूमा मेघगर्जन, चट्याङ्ग सहित हल्का देखि मध्यम वर्षा भईरहेको महाशाखाले जनाएको छ। यसैगरी सुदूरपश्चिम र गण्डकी प्रदेशका एक दुई स्थानमा भारी वर्षा पनि भईरहेको छ।
आगामी तीन दिनको मौसम पूर्वानुमान
कार्तिक ०१ गते (सोमबार)
राती: देशभर सामान्य देखि पूर्ण बदली रहने छ।सुदूरपश्चिम, कर्णाली, गण्डकी र लुम्बिनी प्रदेशका धेरै स्थानहरुमा साथै प्रदेश १, प्रदेश २ र बागमती प्रदेशका केही स्थानहरूमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ । देशका पश्चिमी र मध्य उच्च पहाडी तथा हिमाली भू-भागहरुका केही स्थानहरुमा हल्का देखि मध्यम र बाँकी हिमाली भू-भागहरुका थोरै स्थानहरुमा हल्का हिमपातको समेत सम्भावना छ । प्रदेश १, प्रदेश २, लुम्बिनी, गण्डकी, कर्णाली र सुदूरपश्चिम प्रदेशका थोरै स्थानहरूमा भारी वर्षाको समेत सम्भावना रहेको छ। सुदूरपश्चिम प्रदेशको एक-दुई स्थानमा धेरै भारी वर्षाको पनि सम्भावाना छ।
कार्तिक ०२ गते (मंगलवार)
दिउँसो: देशभर सामान्य देखि पूर्ण बदली रहने छ।सुदूरपश्चिम, कर्णाली, गण्डकी र लुम्बिनी प्रदेशका धेरै स्थानहरुमा साथै प्रदेश १ र बागमती प्रदेशका केही स्थानहरु तथा प्रदेश २ का थोरै स्थानहरुमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ । देशका उच्च पहाडी तथा हिमाली भू-भागहरुका केही स्थानहरुमा हल्का देखि मध्यम हिमपातको समेत सम्भावना छ । सुदूरपश्चिम प्रदेशका केही र प्रदेश १, लुम्बिनी, कर्णाली प्रदेशका थोरै स्थानहरूमा भारी वर्षाको समेत सम्भावना रहेको छ।
राती: देशभर सामान्य देखि पूर्ण बदली रहने छ। देशका धेरै स्थानहरूमा हल्का देखि मध्यम वर्षाको सम्भावना रहेको छ । देशका उच्च पहाडी तथा हिमाली भू-भागहरुका थोरै स्थानहरुमा हल्का देखि मध्यम हिमपातको समेत सम्भावना छ । प्रदेश १ र लुम्बिनी प्रदेशका थोरै स्थानहरू गण्डकी, कर्णाली र सुदूरपश्चिम प्रदेशका एक-दुई स्थानमा मेघगर्जन/चट्याङ्ग भारी वर्षाको समेत सम्भावना रहेको छ।
कार्तिक ०३ गते (बुधवार)
दिउँसो: देशभर सामान्य देखि पूर्ण बदली रहने छ। प्रदेश १, प्रदेश नं २, बागमती, गण्डकी र लुम्बिनी प्रदेशका धेरै स्थानहरुमा साथै बाकी प्रदेशका थोरै स्थानहरुमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ । देशका उच्च पहाडी तथा हिमाली भू-भागहरुका केही स्थानहरुमा हल्का देखि मध्यम हिमपातको समेत सम्भावना छ । प्रदेश १, प्रदेश नं २, बागमती, गण्डकी र लुम्बिनी प्रदेशका थोरै स्थानहरूमा भारी वर्षाको समेत सम्भावना रहेको छ।
राती: देशभर सामान्य बदली रहने छ। प्रदेश १, प्रदेश २, बागमती, गण्डकी र लुम्बिनी प्रदेशका थोरै स्थानहरुमा साथै बाँकी प्रदेशका एक-दुई स्थानहरुमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ । देशका उच्च पहाडी तथा हिमाली भू-भागहरुका थोरै स्थानहरुमा हल्का देखि मध्यम हिमपातको समेत सम्भावना छ ।
आगामी २४ घण्टाका लागि चेतावनी तथा परामर्श
सुदूरपश्चिम, कर्णाली, गण्डकी र लुम्बिनी प्रदेशका धेरै स्थानहरुमा साथै प्रदेश १, प्रदेश २ र बागमती प्रदेशका केही स्थानहरुमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ। प्रदेश १, प्रदेश २, लुम्बिनी, गण्डकी, कर्णाली र सुदूरपश्चिम प्रदेशका थोरै स्थानहरूमा भारी वर्षा र सुदूरपश्चिम प्रदेशको एक-दुई स्थानमा धेरै भारी वर्षाको समेत सम्भावना रहेकोले आवश्यक सतर्कता अपनाउनु हुन अनुरोध छ।
बेमौसमी वर्षाले खेतमै तैरियो धान, १० प्रतिशत उत्पादन घट्ने, नदिमा बढ्यो पानीको बहाब
कैलाली । लागातारको वर्षाका कारण यसपालि कैलालीमा धान उत्पादनमा कमी आउने भएको छ । कृषि ज्ञान केन्द्र कैलालीका अनुसार आइतबारदेखिको झरिका कारण १० प्रतिशतसम्म उत्पादन घट्ने अनुमान गरिएको छ ।
धान खेतीका लागि पकेट क्षेत्र मानिएको कैलालीमा लगातारको झरिले काटेको धान खेतमै तैरिएको छ । दशैको चटारो संगै यहाँका किसानले धान भित्राउने तयारी गरेका थिए । तर बेमौसमी झरिले किसानले भित्राउन ठिक्क पारेको धान खेतमै डुबानमा परेको छ ।
कृषि ज्ञान केन्द्र कैलालीका प्रमुख खगेन्द्रराज शर्माकाअनुसार कैलालीमा करिब ७० हजार हेक्टर क्षेत्रफलमा ध्यान खेती गरिन्छ । यहाँका किसानले मुख्य बालिका रूपमा धान खेती गर्दै आएका छन ।
बेमौसमी बर्षाका कारण भएको नोक्सानीले यो वर्ष ५ देखि १० प्रतिशत धान उत्पादनमा कमी आउने शर्माले बताए ।
जिल्लामा यो वर्ष समयमै पानी परेका कारण किसानले धान खेती गर्न कुनै समस्या खेप्नु परेको थिएन । यसैगरी यसपटक बिगतका बर्षझै यसपटक धान खेतमा कुनैपनी रोग नदेखिएकाले उत्पादन बढ्ने अनुमान गरिएको थियो । तर आइतबारदेखिको झरिले यहाँको बर्दगोरिया, जानकी, जोशीपुर,भजनी ,टीकापुर ,धनगढी आसपासका सैयौ किसानले लगाएको खेती खेतमै तैरिन पुगेको छ ।
केन्द्रकाअनुसार जिल्लामा किसानहरूले ७० देखि ८० प्रतिशतसम्म धान काटिसकेका छ्न । लगातारको वर्षाका कारण धानबालीमा ठूलो किसानलाई क्षती पुग्ने आसङ्का गरिएको छ भने यसपालि भोकमरी पर्ने होकि भन्ने किसानमा त्रास छाएको छ ।
मौसम पुर्वानुमान महाशाखाका अनुसार अझै केही दिन सुदुरपश्चिम सहित देशका विभिन्न स्थानमा वर्षा हुने छ । लगातारको झरीका कारण यहाँका खोला नदिमा पानीको बहाब बढेपछि स्थानीय प्रशासनले सचेत रहन आग्रह गरेको छ ।
धार्मिक तथा पर्यटकीय क्षेत्र बर्दगोरिया धाम जोड्ने रिङ्गरोड कालोपत्रे गर्दै गाउँपालिका
रमेश बम, बौनिया(कैलाली)। कैलालीको बर्दगोरिया गाउँपालिकामा रहेको प्रसिद्ध धार्मिक स्थल बर्दगोरिया धाम जोड्ने (रिङ्गरोड) सडक कालोपत्रे गरिने भएको छ । बर्दगोरिया गाउँपालिकाले उक्त सडक कालोपत्रे गर्नका लागि चालू आर्थिक वर्ष २०७८/७९ मा १ करोड ४० लाख रूपया छुट्याएको छ ।
धार्मिक तथा पर्यटकीय दृष्टिकोणले अति नै महत्वपूर्ण मानिने वडा नम्बर २ कुम्भीयामा रहेको बरदगोरिया क्षेत्रको विकासका निम्ति सडक कालोपत्रे गर्नुको विकल्प नभएको भन्दै यसको प्रचार–प्रसार गर्न, आन्तरिक तथा बाह्य पर्टकको सहजताका लागि यसै आर्थिक वर्षमा काम सक्ने लक्ष्य राखिएको छ । पालिका अध्यक्ष बलिराम डगौरा थारुले बर्दगोरिया धाम सुदुरपश्चिमकै एक उत्कृष्ट पर्यटकिय र धार्मिक तथा सास्कृतिक स्थल भएकाले यसको विकासमा टेवा पुर्याउन बर्दगोरिया धाम जोड्ने रिङ्गरोड कालोपत्रे पहिलो प्राथमिकता भएकाले यसै चालू आ.व.मा काम सुरु गरिने बताए ।
सडक कालोपत्रे बनेपछि बर्दगोरिया धामको मात्रै नभैइ, बर्षौदेखि धुलाम्य र हिलाम्य सडकमा हिड्दै आएका कुम्भीयाबासीका निम्ति निकै सहजता हुनेछ भने असाहयका निम्ति स्थापना गरिएको सहारा घर जानेहरुका लागि निकै उपयोगी बन्ने उनले बताए ।
बर्दगोरिया धाम क्षेत्र जोड्नका लागि यातायातको सहज पुहुच पुगाउन, भक्तालुजन तथा पर्यकटहरुलाई आवातजावतमा सहजता ल्याउन वडा नम्बर दुईको कार्यालयदेखि कुम्भिया हुँदै बर्दगोरिया र बर्दगोरिया २ को झगडपुरदेखि बर्दगोरिया धाम जोड्ने करिब साढे तीन किलोमीटर रिङरोड कालोपत्रे यसैपाली गरिने अध्यक्ष थारुले बताए । माथिल्लो पट्टि बिशाल चुरे श्रृंखला, तल समथर तराई र बिच भागमा टापु–टापु क्षेत्रमा अवस्थित बर्दगोरिया धाम क्षेत्र पर्यटकहरुको लागि अति नै उपयोगी र धार्मिक तथा सास्कृतिक हिसाबले निकै महत्त्वपूर्ण र एतिहासिक मानिन्छ ।
करिब १८ हेक्टर क्षेत्रफल ओगटेको बर्दबाबा, कन्या राजा, रामजानकी मन्दिर, हनुमान गढी, ग्वालिन ठाकुर, मनिहारी नामका मुख्य मन्दिरका साथै दुई वटा शिवालय अग्नीकुण्ड तथा भक्तजनहरूलाई नुहाउनका लागि २ वटा पोखरीसमेत रहेका छन् । बर्दगोरीया परिषरभित्र देबिदेबताले पानी पिउन प्रयोग गर्ने कुवा समेत रहेको छ । सानो ढुङ्गामा रहेको प्वालमा ढुङ्गा फाल्दा पहिले पानीको आवाज आउने गरेको भएपनि अहिले आवाज नआउनुबाट कुवामा पानी सुकेको हुनसक्ने स्थानियहरु बताउछ्न ।
विशेष गरि थारू जातीको धर्म संस्कृतिसंग जोडिएको बर्दगोरिया मन्दिरमा माघे संक्रान्तिका दिन नुहाएर जे वर मागेपनि पुरा हुने विश्वासले त्यसदिन श्रद्धालु भक्तजनको निकै भीड लाग्ने गर्छ । यो दिन बर्दगोरियामा नुहाएर पुजा गर्नाले वर्षभरीको पाप काटिन्छ भन्ने विश्वास पनि रहि आएको छ । बर्दगोरीयामा माघमा लाग्ने माघी मेलाबाहेक मंसिर कात्तिकमा लवाङ्गी पुजा, कात्तिकमा केदार पुजा, दशैंमा गंगा दशहरा, दीपावलीमा लक्ष्मी पुजा र भाद्रमा बोलबम कलश यात्रा हुने गर्दछ ।
पछिल्लो समय बर्दगोरिया धाम क्षेत्रमा पिक्निक खान जाने, आन्तरिक पर्यटको पनि बाक्लो भिड देख्न पाइन्छ । बर्दगोरिया धाम क्षेत्रको विकासका लागि सरकारले बर्सेनि करोड बढी खर्च गरेपनी त्यसको समुचित प्रतिफल नभएको स्थानीयको गुनासो छ । पर्यटन पर्बदनका लागि आवश्यक प्रचारप्रसारको अभाव उत्तिकै छ भने घुम्न आउने आगन्तुकको लागि खानेपानीको समस्या समेत उस्तै भएको हुँदा यी सवै समस्या समाधान गर्न आवश्यक रहेको वडा नम्बर दुईका अध्यक्ष भेखु चौधरी बताउछ्न । यसको समाधानका लागि आफुले सक्दो प्रयास गरिरहेको उनको भनाई छ ।
रासस,दुबई । दुबईका निजी बैंक र सम्पत्ती व्यवस्थापन क्षेत्रका लागि यो वर्ष पनि सुखद रह्यो । सन् २०१९ मा व्यक्तिगत रूपमा उच्च सम्पत्ती भएका व्यक्ति बस्ने सहरहरूमा दुबई सबैभन्दा अग्रपंक्तिमा आउथ्यो । त्यस्तै, विश्वका धनी व्यक्तिहरुको छनौटमा दुबई उच्च १० गन्तव्यमा पर्दथ्यो ।
सन् २०२० को सुरूदेखि नै महामारीको चपेटामा परेको दुबई सार्वजनिक स्वास्थ्य समस्या देखिएको थियो । यद्यपी रोग नियन्त्रण गर्न देशले उल्लेख्य भूमिका खेलेको थियो । अर्बपतिहरुको गतिविधि अनुसन्धान गर्ने संस्था न्यु वल्र्ड हेल्थ (एनडब्लुएच) ले दुबईमा हाइ–नेट–वेल्थ इन्डिभिजुअल (एचएनडब्लुआई) को संख्या यो जुन महिनामा ३ दशमलब ८ प्रतिशतले बढेको जनाएको छ ।
दुबईमा गत डिसेम्वरमा ५२ हजार एचएनडब्लुआईमा रहेकोमा अहिले ५४ हजार पुगेको हो । एचएनडब्लुआई अर्थतन्त्रको एउटा शब्द हो जसको अर्थ अमेरिकी डलर १० लाख भन्दा बढी सम्पत्ती भएका धनाढ्य भन्ने बुझाउँछ । मध्येपूर्व र अफ्रिका (एमइए) क्षेत्रमा दुबई संसारकै धनी सहर हो । दुबई १६५ ‘सेन्टी–मिलिअनरिज’ र १२ ‘विलिअनरिज’को घरसमेत हो ।
कम्तिमा एक मिलियन डलर रकम, सम्पत्ती र व्यवसाय भएका व्यक्तिको संख्या जुनमा २ दशमलब ५ प्रतिशतले बढेको एनडब्लुएचको अध्ययनमा उल्लेख छ । अर्को एक छुट्टै अध्ययनमा मध्यपूर्वमा आगामी पाँच वर्षमा ३० मिलियन (३ करोड) डलर सम्पत्ती भएका व्यक्तिहरुको छ ।
नोटको हिफाजत गर्न राष्ट्र बैंकको आग्रह
काठमाडौ । नयाँ नोट छाप्नमात्र होइन पुरानो नोट झुत्रो भएर जलाउँदा समेत राष्ट्रको ढुकुटीको मोटो रकम खर्च हुन्छ । त्यसैले नेपाल राष्ट्र बैंकले नोटलाई जतनका साथ प्रयोग गर्न अनुरोध गरेको छ ।
दशैंतिहार जस्ता चाडबाडमा वा अन्य समयका पुजाआजामा पनि नोटको प्रयोग गरिँदा अबिरजस्ता रङ लत्पत्याउने, मन्दिरमा दूध वा पानीसँगै नोट चढाउने कारणले नोट फोहोर हुने गर्दछ । त्यसैले हरेक वर्ष झै यसपटक पनि नेपाल राष्ट्र बैंकले नोटलाई जतनका साथ प्रयोग गर्न अनुरोध गरेको हो । दशैंतिहारमा धेरै नयाँ नोट चलनचल्तीमा आउँछन् । तर, ती नोट फोहोर वा झुत्रो भएर फर्किने समस्या रहेको कारण राष्ट्र बैंकले अनुरोध गर्नु परेको हो ।
चाडबाडमा सतर्कताका साथ नयाँ नोट नचलाउँदा तथा फोहोर गर्दा, मन्दिरमा चढाउँदा दूध वा पानीले भिजाएका कारण नोट झुत्रा र पुराना हुने राष्ट्र बैंकले जनाएको छ । त्यसैले टिका लगाएर दक्षिणा दिँदा नोटमात्रै नदिई खाम लगाएर दिन राष्ट्र बैंकले अनुरोध गरेको छ । नयाँ नोट छाप्नको लागि वर्षेनी करिब ३ अर्ब हाराहारी खर्च हुने गरेका कारण पनि नोटको सुरक्षा प्राथमिकतामा परेको राष्ट्र बैंकको भनाइ छ । त्यसैले नोटको आयु बढाउन राष्ट्र बैंकले सफा नोट नीति ल्याएको हो ।
जस अनुरुप नोटलाई नियतवश सफा नोट नीतिको विरुद्धमा गएर नोटको प्रयोग गरे जरिवाना सहित जेलसम्मको सजाय हुन्छ । हिफाजत गरेर नचलाएका कारण हाल नेपाली नोटहरुको सरदर आयु साढे ३ वर्षमात्रै छ । कार्ड र चेकको प्रयोग बढाउने हो भने नोटको आयु ५ देखि १० वर्षको हुने अनुमान राष्ट्र बैंकको रहेको छ ।
सफा नोट नीति अन्तर्गत राष्ट्र बैंकले बैंक तथा वित्तीय संस्थाहरुलाई छानेर राम्रा नोट मात्रै बजारमा पठाउन निर्देशन दिएको छ । यसपटक दसैँमा नेपाल राष्ट्र बैकले असोज २५ गतेसम्म ५, १०, ५० र १०० दरका नोट तथा ५०० र १००० दरका ठुला नोटहरू सट्ने सुबिधा दिएको थियो थियो।
बर्दगोरियामा झोलुङ्गे पुलको शिलान्यास जतिसक्दो छिटो निर्माण कार्यसक्न निर्देशन
रमेश बम बौनिया, कैलाली । कैलालीको बर्दगोरिया गाउँपालिका स्थित कुइरा नदिमा झोलुङ्गे पुलको शिलान्यास गरिएको छ । पालिकाको वडा नम्बर ३ पारिगडा टोलबाट वडा नम्बर २ को बर्दगोरिया मन्दिर जोड्ने पुलको बुधबार शिलान्यास गरिएको हो ।
महाअष्टमीको अबसर पारि कैलाली क्षेत्र नम्बर २ का माननीय सांसद झपट रावल, प्रदेश (ख)का माननीय सांसद नन्द बहादुर साउंद (राजेन्द्र) र बर्दगोरिया गाउँपालिका अध्यक्ष बलिराम डगौरा थारूले सयुक्त रूपमा झोलुङ्गे पुलको शिलान्यास गरेका हुन । पुलको शिलान्यास गर्दै उनीहरूले जतिसक्दो छिटो पुल निर्माणका लागि आफुले सक्दो पहल थाल्ने बताएका छ्न ।
करिब ३१० मिटर लामो झोलुङ्गे पुलको निर्माणका लागि ठेक्का सम्झौता भईसकेको छ । पुल निर्माण पश्चात् बिगत लामो समयदेखि स्थानीयले खेप्दै आएको समस्या समाधान हुने अपेक्षा छ । यसअघि पालिकाको वडा नम्बर ३ र ४ जोड्ने काँडा नदीमा बन्ने झोलुङ्गे पुल र पालिकाको वडा नम्बर ६ र घोडाघोडी नगरपालिकाको वडा नम्बर ३ जोड्ने झोलुङ्गे पुलको शिलान्यास गरिएको थियो ।