बौनिया । नेपाल कम्युनिस्ट पार्टी (माओबादी केन्द्र) ले कैलाली क्षेत्र नं २ को जिम्मेवारि बाडफाड गरेको छ । जिम्मेवारी बाडफाड गर्ने क्रममा सुदुरपश्चिम् प्रदेश कमिटी सदस्य दुर्गा बडुवाल ( हेमन ) लाई संयोजकको जिम्मेवारी तोकिएको छ ।
यसैगरी प्रदेश कमिटी सदस्य गणेश राज गिरिलाई सचिबको जिम्मेवारी तोकिएको माओवादी केन्द्रले जानकारी दिएको छ । माओवादी केन्द्रले निर्बाचन नजिकिदै गर्दा आफ्ना कार्यकर्ता तथा नेताहरुलाई विभिन्न जिम्मेवारी प्रदान गर्दै आएको छ ।
गणेश राज गिरि गत चुनावका बर्दगोरिया गाउपालिकाका अध्यक्ष पदका उम्मेदवार समेत हुन । उनी माओवादी केन्द्र बर्दगोरियाबाट आउँदो निर्वाचनको लागि बलियो र सम्भावित उम्मेदवारका रूपमा चिनिन्छ्न ।
जिम्मेवारी पाएसङ्गै उनले आम कार्यकर्ता, पार्टी तथा संगठनलाई एकढिक्का भएर अगाडि लाग्न अपिल गरेका छ्न । गिरि सक्रिय राजनीति सङ्गै एक सफल कृषि व्यवसायी समेत हुन । गिरिले बिगत दुई वर्षदेखि बर्दगोरिया ४ मा जग्गा भाडामा लिई कृषि पेशामा अबल्ल बन्दै आएका छ्न । उनले सिङ्गो देशलाई नै कृषि क्रान्तिमा होमिन र आर्थिक स्तर बलियो बनाउन व्यवसायी कृषि पेशा आवस्यक भएको समेत बताए ।
