Breaking News: जैमिनीमा लकडाउन पुनः थपियो, बैंक तथा बित्तिय संस्थालाई यस्तो व्यवस्था
बागलुङ, ३१ जेठ २०७८ ।
जैमिनीमा जारी लकडाउनको अवधी पुनः थप भएको छ । बागलुङको जैमिनी नगरपालिकामा असार ७ गतेसम्मका लागि लकडाउन थप गरिएको हो ।
सोमबार बसेको सरोकारवालाहरुको बैठकले असार ७ गतेसम्मको लागि निषेधाज्ञा लम्ब्याउने निर्णय गरेको जैमिनी नगरपालिकाका प्रमुख प्रशासकीय अधिकृत ज्ञानराज कोइरालाले जानकारी दिनुभयो । यस अवधिमा लकडाउनलाई थप प्रभावकारी बनाइने बैठकले निर्णय गरेको छ ।
अत्यावश्यकका पसलहरु मध्ये तरकारी, फलफूल, दुध र खाद्यन्नका पसलहरु दिनको एक पटक बिहान ७ देखि १० बजेसम्म मात्र खोल्न पाइने र बाँकी सबै पसलहरु बन्द गर्नुपर्ने जैमिनी नगरपालिकाले जनाएको छ ।
जिल्ला प्रशासन कार्यलयले जारी गरेको सूचनाको आधारमा जैमिनीमा रहेका बैंक तथा बित्तिय संस्थाहरु आइतबार, मंगलबार, बुधबार र शुक्रबार खुल्ला हुनेछ ।
सूचनाको वेवास्ता र अटेरी गर्नेलाई कारवाही गरिने चेतावनी दिइएको छ । जिल्ला प्रशासन कार्यलय बागलुङले पनि यस अघि नै असार ७ गतेसम्मका लागि निषेधाज्ञाको अवधी थप गरिसकेको छ ।
आज साेमबार: भगवान शिवकाे दर्शनले साेचेका सबै कुरा पुरा हुन्छ, दर्शन गर्दै राशिफल हेर्नुहाेस्
आजको राशिफल
मेष
आज सहकर्मीबाट विरोध आउला । यात्रामा मालसामान हराउन सक्छ । चोटपटकको भय पनि छ, अत: सावधानी अपनाउनु नै उपयुक्त होला ।
वृष
व्यवसायको सन्दर्भमा आदर्श ब्यक्तित्व सँगको सहकार्यले नयाँ अनुभव मिल्नेछ । लगनशीलताले कामहरू अगाडी बढ्नेछन् । साथीभाईसंग समय बित्नेछ ।
मिथुन
एकपछि अर्को अवसर आउनाले मन प्रसन्न रहनेछ । भूमिबाट लाभ रहनेछ । नयाँ व्यक्तिसंग भेटघाट हुनेछ । छोटो दुरीको लाभदायक यात्रा रहला ।
कर्कट
बिनाप्रतिस्पर्धा फाइदा हुने योग छ । नसोचेको ठाउँबाट धनागम हुनेछ । मनोरञ्जनमा सहभागीता भइएला । आर्थिक कारोवारमा सफलता पाइएला ।
सिंह
आज मनमा दुविधाहरू उत्पन्न हुनेछ । स्वास्थ्यमा समस्या आउनसक्छ । अधिकार प्राप्तिका लागि संघर्श गर्नु पर्ला । सरकारी निकाएको भय रहनेछ ।
कन्या
आज मनमा शान्ति र अनुहारमा कान्ति छाउनेछ । समाजसेवामा मन लाग्नेछ । शत्रु पराजित हुनेछन् । बित्तिय संस्थाबाट सहयोग पाईनेछ ।
तुला
नयाँ ज्ञान सिक्ने मौका मिल्नेछ । रोकिएको धन हात पर्ला । धर्म,कर्म तथा समाजसेवामा मन लाग्नेछ । आफ्नो क्षेत्रमा प्रभूत्त्व जमाउन सकिनेछ ।
वृश्चिक
धनार्जनका नयाँ स्रोतहरू पत्ता लाग्नेछन् । महिला वर्गबाट विशेष सहयोग मिल्नेछ । शिक्षामा सफलता मिल्नेछ । महत्त्वपूर्ण कामको थालनी हुनेछ ।
धनु
कला, साहित्यमा रुचि बढ्नेछ । वैदेशिक कार्य अघी बढ्नेछ । ठीक समयमा सही निर्णय लिन सकिनेछ । घर,जग्गाको कारोबारमा सफलता मिल्नेछ ।
मकर
शुभकार्यको चर्चा चल्नेछ । रमणीय र सुखद यात्राको योग छ । पार्टी तथा सेमिनारमा सहभागी भईएला । प्रयत्न गरे फाइदा लिन सकिनेछ ।
कुम्भ
विपरीत वर्गप्रति आकर्षण बढ्नेछ । राजनैतिक कार्यमा सफलता मिल्नेछ । वैदेशिक क्षेत्रको काम अघी बढ्नेछ । सांगीतिक क्षेत्रमा रुची बढ्नेछ ।
मीन
आज यात्राको सम्भावना छ । सामाजिक कामको दायित्त्व बढ्नेछ । भूमि र वाहनबाट लाभ मिल्ने योग छ । प्रेम र मित्रताको बन्धन पनि कसिन सक्छ ।
बागलुङ, ३० जेठ २०७८ ।
जैमिनीमा २४ जना कोरोना संक्रमित थपिएका छन् । आइतबार प्राप्त रिपोर्ट अनुसार जैमिनी नगरपालिकामा २४ जना कोरोना संक्रमित थपिएका हुन् ।
शुक्रबार जैमिनी नगरपालिका ८ छिस्तीका ८१ जनाको स्वाव संकलन गरी परिक्षण गर्दा २२ जना र अघिल्लो दिनको दुईजना गरी आइतबार २४ जनाको रिपोर्ट पोजेटिभ आएको जैमिनी नगरपालिका स्वास्थ्य शाखा संयोजक गोविन्द प्रसाद आचार्यले जानकारी दिनुभयो ।
यता जैमिनीमा थप ८४ जना कोरोना संक्रमितहरु निको भएर नियमित काममा फर्किएका छन् । जैमिनी ६ अर्जेवाका ४६ जना, जैमिनी ७ जैदीका २६ जना र जैमिनी ८ छिस्तीका १२ जना गरी कुल ८४ जना निको भएकाको सूचिमा परेका हुन् ।
अहिले जैमिनी नगरपालिकाको वडा नं १ मा तीनजना, वडा नं २ मा तीनजना, वडा नं ६ मा १३ जना, वडा नं ७ मा ५ जना, वडा नं ८ मा आइतबार थपिएका २४ जना र वडा नं १० मा पाँचजना गरी नगरपालिकाभर ५३ जना कोरोनाका सक्रिय संक्रमित रहेका छन् । उनिहरुमध्ये ५२ जना होम आइशोलेसनमा रहेका छन् भने एकजना जैमिनी कोभिड १९ अस्थाई अस्पताल कुश्मिसेराको आइशोलेसनमा छन् ।
जैमिनी १ कुश्मिसेराका पुरुष संक्रमितको स्वास्थ्यमा समस्या देखिएपछि अस्पतालको आइशोलेसनमा लगिएको अस्पतालका प्यारामेडिक्स डिल्ली शर्माले जानकारी दिनुभयो ।
स्वास्थ्यकर्मी घरमै गएर हेर्दा स्वास्थ्यमा समस्या देखिएपछि अक्सिजन सहित आवश्यक उपचारको लागि उहाँलाई अस्पताल लगिएको शर्माको भनाई छ । उहाँकाे अहिले अक्सिजनको सहायताले उपचार भैरहेको छ ।
Breaking News: बागलुङमा जारी निषेधाज्ञा एक हप्ता थपियो, बैंक हप्ताकाे ४ दिन खुल्ने
बागलुङ, ३० जेठ २०७८ ।
बागलुङमा जारी निषेधाज्ञा एक हप्ता थपिएको छ । आइतबार बसेकाे कोरोना संकट व्यवस्थापन केन्द्र (डिसिसिएसी)को बसेको बैठकले एकहप्ता निषेधाज्ञा थप गर्ने निर्णय गरेको हो ।
कोरोना संक्रमणको दर नघटेपछि निषेधाज्ञालाई केहि खुकुलाे बनाउँदै निरन्तरता दिइएकाे प्रमुख जिल्ला अधिकारी शिव कुमार कार्कीले जानकारी दिनुभयाे ।
सात दिन थप भएकाे निषेधाज्ञामा वैंक तथा वित्तिय संस्थाहरु आइतबार, मंगलबार, बुधबार र शुक्रबार हप्ताकाे चार दिन विहान ७ बजेदेखि १० बजेसम्म खुल्ने छ ।
बागलुङमा बैशाख २१ गतेबाट सुरू भएकाे निषेधाज्ञा जिल्लाभर जेठ ३१ गतेसम्मकाे लागि थपिएकाे थियाे । आइतबारकाे निर्णय अनुसार बागलुङमा आगामी असार सात गतेसम्म निषेधाज्ञा जारी रहने छ ।
नुवाकोट, ३० जेठ २०७८ ।
निषेधाज्ञाको समयमा बेलकोटगढी नगरपालिका ४ का वडाध्यक्ष पिकनिक खान गएका छन् । नुवाकोट जिल्लामा निषेधाज्ञा जारी रहँदा वडाध्यक्ष चन्द्र बहादुर लामा दलवल सहित पिकनिक खान गएका हुन् ।
असार १ गते राति १२ बजेसम्म निषेधाज्ञा जारी रहेको समयमा वडाध्यक्ष नै पिकनिक खाने र भिडभाड गर्ने काममा लाग्नु कानुन विपरित भएको जिल्ला कोभिड संकट व्यवस्थापन केन्द्र (डिसिसिएमसी) नुवाकोटका संयोजक तथा जिल्ला प्रशासन कार्यलय नुवाकोटका प्रमुख जिल्ला अधिकारी जीवन प्रसाद दुलाले बताउनुभयो ।
“जिल्लामा अहिले निषेधाज्ञा कायमै छ, हामीले जनताहरुलाई घर बाहिर ननिस्कनु भनेका छौँ” उहाँले भन्नुभयो, “यस्तो बेला जनप्रतिनिधि नै सार्वजनिक स्थलमा भिडभाड गर्न जानु राम्रो काम होइन ।”
वडाध्यक्ष लामा र वडा सचिव सहित सहित उहाँ निकट दलको नेता सहितका टोलीहरु बेलकोटगढी नगरपालिकाको ऐतिहासिक स्थान चिम्टेश्वरमा शनिवार पिकनिक खान गएका थिए । वडाध्यक्ष सहित गाउँका केहि युवाहरु समेत पिकनिकमा समेल भएको पाइएको छ ।
पिकनिक खान गएको विषयमा जानकारी लिन खोज्दा लामाले गएको होइन भन्ने जवाफ दिनुभएको थियो तर फेसबुकमा फोटो देखिएको छ भन्ने जिल्लाखबरको प्रश्नपछि उहाँले कुराकानी गर्न नचाहेर फोन काटिदिनुभएको छ ।
अहिले कोरोनाको महामारीको समयमा जनताहरुलाई बाहिर निस्किन नदिएको राज्य नै यसरी हिँड्नुलाई जनताहरुले राम्रो रुपमा नलिने बेलकोटगढी नगरपालिकाका प्रमुख प्रशासकीय अधिकृत दीपक प्रसाद खतिवडाले बताउनुभयो । जनप्रतिनिधिहरुले नै यसरी लापरवाही गरे जनस्तरमा नराम्रो सन्देश जाने उहाँको भनाई छ ।
सामाजिक सञ्जालमा वडाध्यक्ष सहितको भिड पिकनिक खान गएको तस्विर सार्वजनिक भएपछि अहिले चौतर्फी आलोचना भैरहेको छ । जनतालाई बाहिर निस्कन नपाउने गरी लकडाउन गर्ने वडाध्यक्ष नै यसरी हिँड्नु राम्रो नभएको जानकारहरु बताउछन् ।
डोटी, ३० जेठ २०७८ ।
जिल्लामा उमेर नपुगी गरिएको एक बालविवाह प्रहरीले बदर गरेको छ । जिल्लाको सायल गाउँपालिकाका २१ वर्षीय युवकले दिपायल सिलगढी नगरपालिकाकी १७ वर्षकी बालिकासँग हालै गरेको विवाहलाई यहाँको प्रहरीले बदर गरेको हो ।
जिल्ला प्रहरी कर्यालय डोटीका प्रहरी नायब उपरीक्षक तथा सूचना अधिकारी इन्द्रबहादुर मल्लका अनुसार दिपायल सिलगढी नगरपालिकाको नगरस्तरीय बाल क्लबले २० वर्ष नपुगेकी निज बालिकाकोे विवाह भएको भन्दै रद्द गराइपाउन जिल्ला प्रहरी कार्यालयमा उजुरी गरेपछि छानबिनपश्चात उक्त विवाह बालविवाह भएको देखिएकाले बदर गरिएको हो ।
विवाहलाई बदर गरी बालिकालाई आफन्तको जिम्मा लगाएको नगरस्तरीय बाल सञ्जालका संयोजक अनिस सेनले जानकारी दिनुभयो । कानूनीरूपमा २० वर्षभन्दा कम उमेरमा विवाह गरे बालविवाहअन्तरगत पर्ने भएकाले बदर गर्न उजुरी परेपछि उक्त विवाह बदर गरी कानूनविपरीत विवाह गर्ने गर्नेलाई कानूनबमोजिम सजाय हुने जिल्ला प्रहरी कार्यालयका प्रहरी प्रमुख दानबहादुर मल्लले बताउनुभयो । उहाँले भन्नुभयो, “बालविवाह गरिएको उजुरीपछि हामीले विवाह बदर गरेका छौँ, जान्दा जान्दै कानूनविपरीत विवाह गर्नेलाई कारवाही हुन्छ ।”
जिल्लामा पछिल्ला वर्षमा सानै उमेरमा छोरीको विवाह गरे पुण्य प्राप्त हुन्छ भन्दै बालविवाह गर्ने चलन अझै कायमै रहेका कारण बालविवाहले प्रश्रय पाएको स्थानीयवासी दीपक थापाले बताउनुभयो । पुण्यका नाममा जिल्लामा बालविवाह बढ्न थालेपछि यहाँका स्थानीय तहले बालविवाह अन्त्य गर्ने भन्दै रणनीतिक योजना तयार गरी लागु गरेको भए पनि उक्त योजना यहाँका गाउँघरमा लागु हुन सकेको छैन । बालविवाह गर्नेलाई कानूनी दायमा ल्याउन नसकेका कारण बालविवाह जस्ताको तस्तै अवस्थामा रहेको सामाजिक क्षेत्रमा काम गर्दै आएका विभिन्न सङ्घ संस्थाको बुझाइ छ ।
शक्तिशाली देवी पाथिभराकाे एक दर्शनले भाग्य चम्कन्छ,दर्शनगर्दै हप्ताभरीकाे राशिफल हेर्नुहाेस्
याे हप्ताभरीकाे राशिफल
मेष – ARIES
चु, चे, चो, ला, लि, लु, ले, लो, अ
यो साता राजनैतिक र सामाजिक प्रतिष्ठा कमाउन सकिएला । शेयर बजारबाट राम्रै लाभ लिनसकिने छ । शुभ र नयाँ कार्यको योजना बन्नेछ । सुन्दर पहिरनले व्यक्तित्वमा निखारता ल्याउनेछ । लामो समयदेखि रोकिएका अधुरा कामहरू पुरा हुनेछन् । यो साताका लागि शुभ अङ्क ४,५ र शुभ रङ्ग रातो वा पहेँलो हो । कुनै शुभकर्म गर्नु पूर्व भैरवजीको स्मरण गरि कार्य आरम्भ गर्दा अधिक लाभ मिल्नेछ ।
वृष – TAURUS
इ, उ, ए, ओ, बा, बि, बु, बे, बो
यो साता शुभकार्यको चर्चा चल्नेछ । धर्मकर्म तथा समाज सेवामा मन लाग्नेछ । प्रतिष्ठित काम गरेर अवसर हात पार्ने समय छ । श्रमको उचित मूल्याङ्कन हुनेछ । प्रेम जीवन सबल र सफल रहनेछ । व्यापारमा वृद्धि हुनुका साथै कार्य लाभका योग पनि देखिन्छन् । यो साताका लागि शुभ अङ्क १,६ र शुभ रङ्ग सेतो हो । शुभकर्म गर्नु पूर्व गणेशजीको दर्शन गरि कार्य आरम्भ गर्दा अधिक शुभ फल प्राप्त हुनेछ ।
मिथुन – GEMINI
का, कि, कु, घ, ङ, छ, के, को, ह
यो साता कीर्तिमानी काम गर्ने समय छ । रोकिएको काम दोहोर्याएर प्रयत्न गर्दा सफलता मिल्नेछ । विशिष्ट व्यक्तिको सहयोग पाइनेछ । साताको अन्त्यमा कार्य सम्पादनमा समस्या आउला । व्यस्तता बढ्नुका साथै सामान हराउन सक्नेछ । निर्णय कार्यान्वयन हुन सक्दैनन् । यो साताका लागि शुभ अङ्क ३,८ र शुभ रङ्ग खैरो हो । कुनै शुभकर्म गर्नु पूर्व शिवजीको स्मरण गर्नाले सफलता हात पर्नेछ ।
कर्कट – CANCER
हि, हु, हे, हो, डा, डि, डु, डे, डो
यो साता रोकिएका काम पुनः सुरु हुन सक्छन् । छलफल र समारोहमा सरिक भइनेछ । प्रेम र मित्रताको बन्धन कसिने बेला छ । शुभकार्यको चर्चा पनि चल्नेछ । साताको अन्त्यमा भने काम बिगार्नेको सक्रियता पनि रहने देखिन्छ । यो साताका लागि शुभ अङ्क २,९ र शुभ रङ्ग वा आकाशे नीलो कुनै शुभकर्म गर्नु पूर्व वा यात्रामा जानु अघि महालक्ष्मीजीको दर्शन गरि कार्य आरम्भ गर्दा सफलता मिल्नेछ ।
सिंह – LEO
मा, मि, मु, मे, मो, टा, टि, टु, टे
यो साता कुनै न कुनै कुराले मनमा शान्ति छाउला । चिताएको कामले तीव्रता लिनेछ । अतिथिको रूपमा सत्कार पाइएला । साथीभाइबाट सहयोग प्राप्त हुनेछ । आम्दानी बढाउने काम सुरु गर्न सकिनेछ । धार्मिक कार्यमा रुचि बढ्नेछ । मिष्ठान्न भोजनको अवसर मिल्नेछ । यो साताका लागि शुभ अङ्क ३,७ र शुभ रङ्ग सुन्तला हो । झुट नबोल्ने र हनुमानजीको दर्शन गरि कार्य गर्नाले सफलता मिल्नेछ ।
कन्या – VIRGO
टो, प, पि, पु, ष, ण, ठ, पे, पो
यो साता जोश जाँगर र हिम्मत बढ्नेछ । धर्मकर्म तथा समाजसेवामा मन लाग्नेछ । गरेका कामबाट राम्रै लाभ हुनेछ । नयाँ काम वा रोजगार पाइनेछ । विपरित वर्गबाट विशेष सहयोग मिल्नेछ । शेयर बजारबाट पनि फाइदा हुने योग छ । ताकेको कार्य पुरा नै होला, तर स्वास्थ्यमा समस्या आउन सक्छ । यो साताका लागि शुभ अङ्क ५,९ र शुभ रङ्ग सुन्तला हो । कुनै शुभकर्म गर्नु पूर्व दुर्गाजीको स्मरण गरि कार्य आरम्भ गर्दा राम्रो हुनेछ ।
तुला – LIBRA
र, रि, रु, रे, रो, ता, ति, तु, ते
यो सातामा पारिवारिक सद्भाव बढ्नेछ । सामाजिक क्षेत्रमा सफलता मिल्नेछ । साता नयाँ वस्त्र तथा अलंकार प्राप्ति हुनेछ । साथीभाइको भेटघाटले मन प्रफुल्ल रहला । प्रेममा सफलता प्राप्त हुनुका साथै नयाँ कार्य प्राप्तिका योग पनि देखिन्छन् । यो साताका लागि शुभ अङ्क ३,९ र शुभ रङ्ग बैजनी वा खैरो हो । कुनै शुभकर्म गर्नु पूर्व वा यात्रामा जानु अघि विष्णु भगवानको स्मरण गरि कार्य आरम्भ गर्दा अधिक शुभ फल मिल्नेछ ।
वृश्चिक – SCORPIO
तो, ना, नि, नु, ने, नो, या, यि, यु
यो साता मनमा चञ्चलता बढ्नेछ । स्वास्थ्यमा समस्या आउन सक्ने र चोटपटकको भय पनि छ, सचेत रहनुपर्ला । मङ्गलवारबाट आर्थिक उन्नति हुनुका साथै आय आर्जनका स्राते पनि बढ्नेछन् । श्री: वृद्धिका साथै कार्यप्राप्तिको योग पनि देखिन्छ । धार्मिक कार्यमा मन पनि लाग्नेछ । यो साताका लागि शुभ अङ्क १,४ र शुभ रङ्ग कालो हो । कुनै शुभकर्म गर्नु पूर्व महादेवको आराधना गरि कार्य आरम्भ गर्दा लाभ प्राप्त हुनेछ ।
धनु – SAGITTARIUS
ये, यो, भ, भि, भु, ध, फा, ढ, भे
यो हप्तामा शुभकार्यको चर्चा चल्नेछ । कार्य सम्पादनमा सहजता मिल्नेछ । कला साहित्यका क्षेत्रमा विशेष लगाव रहनेछ । बन्धु बान्धवबाट सहयोग मिल्नेछ । पुरानो समस्या सुल्झाउन सकिनेछ, तर स्वास्थ्य मापदण्ड पूरा गर्नु पर्छ । यो साताका लागि शुभ अङ्क ८,६ र शुभ रङ्ग निलो वा पहेँलो हो । कुनै शुभकर्म गर्नु पूर्व वा यात्रा गर्नु अघि विघ्नहर्ता गणेशजीको दर्शन गरि कार्य आरम्भ गर्दा राम्रो हुनेछ ।
मकर – CAPRICORN
भो, ज, जि, खि, खु, खे, खो, गा, गि
यो साता पारिवारिक साथ र सहयोगले उल्लेख्य कार्य सम्पादन हुने देखिन्छ । शेयर बजार, साझेदारी र सट्टापट्टामा विशेष लाभ मिल्नेछ । शुभकार्यको चर्चा र नयाँ पदीय जिम्मेवारी पाइएला । मध्य सातामा प्रेममा मनमुटाव रहला । महत्वपूर्ण कार्यमा व्यवधान आउन सक्छ । यो साताका लागि शुभ अङ्क २,५ र शुभ रङ्ग निलो वा रातो हो । शुभकर्म गर्नु पूर्व वा यात्रामा जानु अघि बगलामुखीको स्मरण गरि आरम्भ गर्दा लाभ प्राप्त हुनेछ ।
कुम्भ – AQUARIUS
गु, गे, गो, सा, सि, सु, से, सो, द
यो हप्ता नयाँ कार्यको योजना बन्नेछ । न्यायिक कार्यमा सफलता मिल्नेछ । स्वादिष्ट भोजनको अवसर पनि पाइनेछ, तर स्वास्थ्य प्रति खर्च बढ्न सक्छ । मध्य सातामा व्यर्थको सास्ति खेप्नु पर्नेछ । चुनौतीको सामना गरि गलत निर्णय लिनपुगिएला, सचेत रहनुहोला । यो साताका लागि शुभ अङ्क १,२ र शुभ रङ्ग कालो वा घिउरङ्ग हो । कुनै शुभकर्म गर्नु पूर्व शिवजीको स्मरण गर्नाले अधिक सफलता हात पर्नेछ ।
मीन – PISCES
दि, दु, थ, झ, ञ, दे, दो, च, चि
साताको सुरुका दिनमा बन्न लागेको काम अन्तिममा विग्रिने र झमेला आउन सक्छ र केही अफ्ठ्यारा परिस्थितिको सामना गर्नुपरेपनि यो सातामा एकपछि अर्को अवसर आउनाले मन प्रसन्न रहनेछ । विद्या र बुद्धिको विकास हुनेछ, तर स्वास्थ्य प्रति सचेत हुनुपर्छ । यो साताका लागि शुभ अङ्क २,४ र शुभ रङ्ग गुलाबी वा खैरो हो । कुनै शुभकर्म गर्नु पूर्व दुर्गाजीको दर्शन गरे अधिक सफलता हात पर्नेछ ।
काठमाण्डाै, २९ जेठ २०७८ ।
गण्डकी प्रदेशको मुख्यमन्त्रीमा नेपाली कांग्रेस संसदीय दलका नेता कृष्णचन्द्र नेपाली पोखरेल नियुक्त हुनुभएको छ । प्रदेश प्रमुख सीताकुमारी पौडेलले संविधानको धारा १६८ उपधारा ५ अनुसार बहुमतको आधारमा उहाँलाई शनिबार पोखरेललाई मुख्यमन्त्रीमा नियुक्त गर्नुभएको हो ।
कृष्णचन्द्र नेपाली पोखरेललाई कांग्रेसका १५, नेकपा माओवादी केन्द्रका ११, राष्ट्रिय जनमोर्चाका २, जनता समाजवादी पार्टीका २ र स्वतन्त्र सांसद राजिव गुरुङ (दीपक मनाङे) गरी ३१ जनाले समर्थन गरेका छन् ।
राष्ट्रिय जनमोर्चाका कृष्ण थापाले साथ नदिए पनि स्वतन्त्र प्रदेशसभा सदस्य राजिव गुरुङले विपक्षीलाई साथ दिएपछि कांग्रेस नेतृत्वमा सरकार बनाउन बहुमत पुगेको हो । हिजो प्रदेशप्रमुख सीताकुमारी पौडेलले बहुमतसहित मुख्यमन्त्रीमा दाबी गर्न २४ घण्टाको समय दिएलगत्तै विपक्षी गठबन्धनका ३१ जना नै उपस्थित भएर दाबी गरेका थिए ।
आज दिउँसो फेरि मुख्यमन्त्रीमा नेकपा एमालेका पृथ्वीसुब्बा गुरुङले पनि दाबी पेश गरेपछि केहीबेर किचलो भएको थियो । विपक्षी दलका ३१ जना सांसदले प्रदेश प्रमुखको निवासमा धर्ना दिएका थिए । कांग्रेस र जनमोर्चाले केन्द्रमा जस्तै असंवैधानिक काम नगर्न प्रदेश प्रमुखलाई चेतावनी दिएका थिए ।
२००६ साल १३ मंसिरमा तनहुँमा जन्मिएका पोखरेलका बुबा प्रजातन्त्र सेनानी हुन् । उहाँ पञ्चायतकालदेखि सक्रिय राजनीतिमा छन् । उहाँ २२ वर्षको उमेरमा नेपाली कांग्रेसबाट राजनीतिमा पाइला टेक्नु भएको थियो ।
आन्दोलनमा उनी ५–६ पटक जेल पनि परे । भारतको दरभंगाबाट मानविकी र त्रिभुवन विश्वविद्यालयबाट कानूनमा स्नातक गर्नुभएको छ ।
कांग्रेसको १२ औं महाधिवेशनबाट उनी केन्द्रीय सदस्य बन्नु भएका उहाँ प्रदेश सभा सदस्यमा पूर्वी नवलपरासी १ (क) बाट एमाले माओवादी गठबन्धनका उम्मेदवार सूर्यप्रसाद न्यौपानेलाई ३ सय ८२ मतले पराजित गरी विजयी हुनु भएको थियो । प्रदेश सभामा प्रत्यक्ष र समानुपातिक गरी कांग्रेसका १५ सांसद छन् ।
गण्डकी प्रदेशमा घिनलाग्दो राजनितिः केन्द्रकै प्रवृत्ति अपनाउँदै गुरुङ्गकाे दावी पेश
काठमाण्डाै, २९ जेठ २०७८ ।
गण्डकी प्रदेशको मुख्यमन्त्रीमा नेकपा एमालेका पृथ्वीसुब्बा गुरुङले पनि दाबी पेश गर्नुभएको छ । प्रदेश प्रमख सीता कुमारी पौडेलसमक्ष गुरुङले दाबी पेश गर्नुभएको हो ।
उहाँले आफूलाई राष्ट्रिय जनमोर्चा र जनता समाजवादी पार्टीको समर्थन रहेको दाबी गर्नुभएको छ । तर नेपाली कांग्रेसका संसदीय दलका नेता कृष्णचन्द्र नेपाली पोखरेललाई मुख्यमन्त्री प्रस्ताव गर्दै शुक्रबार मात्रै ३१ प्रदेशसभा सदस्यले प्रदेश प्रमखकाै कार्यकक्षमा उपस्थित भएर मुख्यमन्त्रीमा दाबी पेश गरेका थिए ।
गण्डकीमा सरकार बनाउन ३१ जना सदस्य चाहिन्छ । प्रदेश प्रमुख सीताकुमारी पौडेलले बहुमतसहित दाबी पेश गर्न आज तीन बजेसम्मको समय दिनुभएको थियो ।
गण्डकी प्रदेशका विपक्षी दलहरुले नयाँ सरकार गठनको विषयमा केन्द्रमा जस्तै प्रवृत्ति प्रदेशमा पनि देखिएको बताएका छन् ।
नयाँ सरकार गठनको लागि हिजो कांग्रेस,माओवादी केन्द्र, जनमोर्चा, जसपा र स्वतन्त्र सदस्य राजिव गुरुङसहित ३१ जना प्रदेशसभा सदस्य हस्ताक्षर र भौतिक रुपमै प्रदेशप्रमुख सीताकुमारी पौडेलकोमा पुगेर दाबी पेश गरेका थिए । विपक्षी दलले नेपाली कांग्रेसका संसदीय दलका नेता कृष्णचन्द्र नेपाली पोखरेललाई मुख्यमन्त्री प्रस्ताव गरेका छन् । तर आज फेरि एमालेका पृथ्वीसुब्बा गुरुङले दाबी पेश गर्नुभएको छ ।
यसलाई विपक्षीले ‘लाजमर्दो’ क्रियाकलाप भनेका छन् । केन्द्रमा केपी शर्मा ओलीले जे जस्ता प्रतिगामी कदम अघि बढााएका थिए साेहि गतिविधि गण्डकी प्रदेशमा पनि दोहोर्याउन खोजिएको कांग्रेस संसदीय दलका नेता कृष्णचन्द्र नेपाली पोखरेलले बताउनुभयाे । उहाँले अहिले पनि आफूहरु ३१ जना नै सँगै रहेको र प्रदेशप्रमुखलाई भेट्न जान लागेको जानकारी दिनुभएकाे छ ।
बागलुङ, २९ जेठ २०७८ ।
बागलुङमा ट्याक्टरको ठक्करबाट एक महिलाको ज्यान गएको छ । बागलुङ नगरपालिका वडा नम्बर ६ लहरेपिपलमा ट्याक्टरको ठक्करबाट ५२ वर्षीया कमला शर्माको मृत्यु भएको हो ।
ग १ त ६३०३ नम्बरको ट्याक्टरका चालक सुरेश नेपालीले सह–चालक भुवन नेपालीलाई सिकाउँदा ट्याक्टरले महलिालाई ठक्कर दिएको जिल्ला प्रहरी कार्यलय बागलुङले जनाएको छ ।
प्रहरीले चालक र सह–चालक दुवै जनालाई नियन्त्रणमा लिएको छ ।
बागलुङ नगरपालिका वडा नम्बर ४ पाखाथर निवासी शर्मा काफलठूटा आधारभूत विद्यालयकी शिक्षिका रहेकोे प्रहरीले जनाएको छ ।