बौनिया । कैलालीको बर्दगोरिया गाउँपालिकामा मुक्त कम्लहरीहरुको आयअर्जनमा टेवा पुर्याउने उदेश्यका साथ बाख्रा वितरण गरिएको छ । आइतबार एक कार्यक्रमका बिच बर्दगोरिया गाउँपालिका पशु सेवा शाखाले पालिकाको वडा नम्बर २ मा मुक्तकमलरीहरुका परिवारलाई १६ वटा बाख्रा वितरण गरेको हो ।
फुलवार कृषि सहकारीका अध्यक्ष दिपा चौधरीको अध्यक्षतामा भएको कार्यक्रममा प्रमुख अथिती गाउँपालिका उपाध्यक्ष गणेश राज गिरि (लालदिप) रहनु भएको थियो । भने विशिष्ट अतिथिमा बर्दगोरिया वडा नम्बर २ का अध्यक्ष गोबिन्द विक रहनु भएको थियो ।
बाख्रा वितरण कार्यक्रममा बोल्दै पालिका उपाध्यक्ष गिरिले पशु शाखाले बाख्रा बितरण गरेर राम्रो काम गरेको बताउनु भयो । उहाँले अहिले बजारमा मासुजन्य वस्तुको माग धेरै भएकोले बाख्रा पालेर कृषकहरुले राम्रो आम्दानी गर्न सक्ने बताउनु भयो ।
यस्तै विशिष्ट अतिथीको आसनबाट बोल्दै वडा नम्बर २ का वडा अध्यक्ष गोबिन्द बिकले सरकारले नागरिकको आयाआर्जन बढाउन का लागि गरेको सहयोग प्रति जनताले व्यवस्था गरेको बताए ।
पशुसेवा शखाका बर्दगोरियामा भेटेरियनरी अधिकृत जय प्रसाद कोइरालाको स्वागत मन्तव्य सङ्गै शुरु भएको कार्यक्रमको सञ्चालन फुलबारा कृषि सहकारी संस्थाका व्यवस्थापक सुनिता चौधरीले गर्नु भएको थियो ।
कैलालीका किसानको गुनासो- बर्खा आयो, मल आएन
धनगढी । धान रोप्ने वेला कैलालीका किसानलाई मलको प्रतीक्षामा बस्नुपर्ने बाध्यता भएको छ । धान रोप्नका लागि बेर्ना तयार भए पनि रासायनिक मल नआएपछि रोपाइ गर्न ढिलाइ भएको किसानको गुनासो छ । ‘धान रोप्दा डिएपी मल चाहिन्छ,’ धनगढीका पदम भण्डारीले भन्नुभयो, ‘तर अहिले सम्म मल पाइएको छैन, बेर्ना तयार भइसक्यो ।’
आफ्नो जमिन पानी जम्ने होचो स्थानमा रहेको बताउँदै उहाँले वर्षा सुरु हुनअघि नै रोपाई गरिनसके पछि खेत बाँझै राख्नुपर्ने अवस्था आउन सक्ने बताउनुभयो । ‘वर्षा सुरु भएपछि खेतमा पानीको ताल बनिहाल्छ,’ उहाँले भन्नुभयो, ‘अहिलेसम्म खेत रोपिसक्नु पर्ने हो, मलको प्रतीक्षा गर्दागर्दै ढिलो भइसक्यो, वर्षा भएपछि खेत बाँझै राख्नुपर्ने स्थिति हुन्छ ।’ एक कट्टा मल नपाउँदा धान रोप्न ढिलो भएको उहाँ बताउँनुहुन्छ ।
धनगढी–७ का रामदाश रानाले मल पाए तत्कालै रोपाई सुरु गर्ने योजना रहेको सुनाउनुभयो। एक, दुई दिनमा वर्षा सुरु भइहाल्छ,’ उहाँले भन्नुभयो, ‘सिँचाइको सुविधा नहुँदा वर्षाको भरमै खेत रोप्नु पर्ने हुन्छ, तर यस वर्ष मल पाइएको छैन, मल पाए तत्कालै रोपाई सुरु गर्ने थिएँ ।’ कृषि क्षेत्रमा सरकारले ठुलो लगानी गरेको सुनिए पनि मल समेत दिन नसकेको उहाँको गुनासो छ । अरू लगानी किसान आफैले गर्न सक्ने भन्दै उहाँले गुणस्तरीय मल उपलब्ध गराएर किसानलाई सहयोग गर्न आग्रह गर्नुभएको छ । ‘बरु कृषिमा अरू लगानी गर्नु पर्दैन,’ उनले भने, ‘समयमै गुणस्तरीय मल उपलब्ध गराएको खण्डमा हामीलाई ठुलो राहत हुने थियो ।’
साल्ट ट्रेडिङ कर्पोरेसन लिमिटेड प्रदेश कार्यालय धनगढीका सूचना अधिकारी रामचन्द्र जोशीले एक सातामा रासायनिक मल भित्रिन सक्ने बताउनुभयो । साल्ट ट्रेडिङ कर्पोरेसनको कोटामा परेको मल एक सातामा कैलाली आउँछ होला,’ उहाँले भन्नुभयो, ‘सो मल सोझै सहकारीमा वितरण हुने छ, त्यसले केही राहत पुग्नेछ ।’
एक हप्तामा पछि भित्रिने मल पर्याप्त भने नरहेको उहाँले बताउनुभयो । ‘हामीले कैलाली, कञ्चनपुरका सहकारी संस्थालाई मल वितरण गर्दै आएका छौं,’ उहाँले भन्नुभयो अहिले मलको माग उच्च छ, तर त्यस अनुसार मल पुग्ने देखिँदैन ।’
उता रासायनिक मल बिक्री तथा वितरण गर्ने प्रमुख निकाय कृषि सामग्री केन्द्र लिमिटेडले भने मल कहिले आउँछ भन्ने यकिन समेत नभएको जनाएको छ । दुई साता पहिला थोरै मल भित्रिएको थियो,’ कृषि सामाग्री केन्द्र लिमिटेड धनगढीका स्टोरकिपर रूपबहादुर कुँवरले भन्नुभयो, ‘त्यो मल वितरण भइसकेको छ, अव कहिले आउँछ कुनै जानकारी छैन ।’ कैलाली लगायत सुदूरपश्चिममा धान रोपाइँका लागि मात्रै २८ हजार मेट्रिक टन डिएपी मल आवश्यक पर्ने गर्दछ ।
मलसँगै कैलालीमा सिँचाइको पनि ठुलो समस्या रहेको छ । कैलालीमा आधा भन्दा बढी जमिनमा वर्षाको पानीको भरमा रोपाई हुने गर्दछ । कैलालीमा बोरिङ सिँचाइको प्रमुख साधन हो भने, केही स्थानमा नहर तथा कैलालीको पूर्विक्षेत्रका किसान कर्णाली नदीको पानीबाट सिँचाइ गर्दै आएका छन् । तर गत कार्तिकमा आएको बाढीका कारण कुलो बगाउँदा यस पटक भने टिकापुर क्षेत्रका किसानलाई समेत समस्या हुने देखिएको छ ।
कार्तिकमा भत्केको सिँचाइ कुला मर्मत गर्न स्थानीय तहले चासो नदेखाएपछि अहिले आफ्नै लागतमा कैलालीका ५ सय किसान मिलेर कुलाको मुहानमा बाँध लगाउने कार्यमा जुटेका छन् ।
रानी कुलाको मुहानमार्फत टिकापुर क्षेत्रमा करिब ७ सय हेक्टर जमिन सिँचाइ हुन्छ । कैलालीको ७१ हजार हेक्टर जमिनमा धान खेती हुँदै आएको छ ।
बौनिया । एचआईभि प्रभावित लाई बर्दगोरिया गाउँपालिकाको पशु शाखाले बाख्रा बितरण गरेको छ । बिहिवार एक कार्यक्रमका बिच पशु शाखाले बर्दगोरिया गाउँपालिका वडा नम्बर ३ का एचआईभि प्रभावितलाई आय आर्जनका लागि १३ वटा बाख्रा बितरण गरेको हो ।
एच आई भि प्रभावित संयोजक दले तिरुवाको अध्यक्षतामा भएको कार्यक्रममा प्रमुख अथिती पालिका उपाध्यक्ष गणेश राज गिरि रहनु भएको थियो ।
प्रमुख अथितिको आसन बाट बोल्दै उपाध्यक्ष गिरिले पशु शाखाले बाख्रा बितरण गरेर राम्रो काम गरेको बताउनु भयो । उनले एचआईभि पीडितले बाख्रा पालेर राम्रो आम्दानी गर्न सक्ने बताए ।
एचआईभि प्रभावितलाई उपाध्यक्षले भने राम्रो संग पालेर आम्दानी बढाउन आग्रह गरे । कार्यक्रमको संचालक नायब पशु प्राबिधिक अनिल ओलिले गर्नु भएको थियो ।
बर्दगोरिया ६ मा पृथ्वीपुर कृषि हाट बजार तरकारी संकलन तथा चिस्यान केन्द्रको उद्घाटन
बौनिया । कैलालीको बर्दगोरिया गाउँपालिका वडा नम्बर ६ मा पृथ्वीपुर कृषि हाट बजार तरकारी संकलन तथा चिस्यान केन्द्र समुद्घाटन गरिएको छ ।
उक्त हाटबजारको मङ्गलबार वडा नम्बर ६ क वडा अध्यक्ष रामकृष्ण डगौरा थारुले उद्घाटन गर्नुभयो । सो अवसरमा उहाँले यस क्षेत्रका कृषकहरुले उत्पादन गरेको कृषिजन्य तथा पशुजन्य वस्तुहरूको बजार ग्यारेन्टी गर्नका लागि कृषि हाटबजारले महत्त्वपूर्ण सहयोग गर्ने बताउनुभयो ।
कृषि हाटबजार स्थापना गर्नु महत्वपूर्ण कार्य भएको भन्दै उहाँले कृषकले उत्पादन गरेका कृषिजन्य बस्तुको बजारीकरणमा यसले ठूलो योगदान पुर्याउने बताउदै त्योभन्दा बढी महत्वपूर्ण यसको निरन्तरता हुनु आवश्यक रहेको बताउनुभयो । उहाँले किसानहरुले आफ्नो मिहिनेत, पसिना बगाएर उत्पादन गरेका वस्तुहरुलाई यसक्षेत्रमा ल्याई ब्यापार गर्नका लागि यो हाटबजार स्थापना गरिएको बताउनुभयो ।
उहाँले यहाँका किसानबाट उत्पादित बस्तुहरू बिक्रि नहुदा कृषकहरू निराशहुदै आएको तितो यथार्थ प्रस्तुत गर्दै घर दैलोमा नै बजारीकरणको व्यवस्थापन गर्न हाट बजार स्थापना गरिएको बताउनुभयो ।
कार्यक्रममा बर्दगोरिया गाउँपालिका कृषि शाखा प्रमुख झङ्कर रावतले कृषकहरुले उत्पादन गरेका कृषिजन्य तथा पशुजन्य वस्तुहरूको खपत यसै कृषि हाट बजारमा गर्ने र यहॉ संकलन भएको वस्तुहरुलाई सहज बजारीकरणका लागि फाइदा पुग्ने बताउनुभयो । उहाँले यहाँका किसानले उत्पादन गरेका कृषि जन्य तथा पशुजन्य बस्तुहरूको बिक्री बितरण गर्न हाटबजार संचालन समितिले विशेष पहल गर्नुपर्नेमा जोड दिनुभयो ।
हाटबजार संचालन उपभोक्ता समितिका अध्यक्ष रिता डगौरा थारुको सभाध्यक्षतामा भएको कार्यक्रममा वडा नम्बर ६ का वडा सदस्य अमर सिंह डगौरा थारुले स्वागत मन्तव्य राख्नुभएको थियो ।
कार्यक्रममा स्थानीय किसान, हाट बजार निर्माण व्यवस्थापन समितीका अध्यक्ष ध्वज बहादुर सुनार, वडा सदस्यहरु तथा पुर्व वडा सदस्यसहितको उपस्थिति रहेको थियो । कृषि हाटबजार संचालनमा आएसङ्गै बर्दगोरियाका वडा नम्बर ६,५,४ तथा छिमेकी गाउँपालिका जोशीपुर आसपासका किसानलाई उत्पादित कृषि उपज बस्तुको बजारीकरणमा फाइदा पुग्नेछ ।
लगातारको वर्षाले तरकारी किसान आजित
महोत्तरी। नयाँ वर्ष सुरु भएदेखि नै लगातार पर्दै आएको वर्षाले महोत्तरीका तरकारी किसान आजित भएका छन् । साता/दश दिन बिराएर पर्दै आएको वर्षाले नियमित गोडमेल र उपचार नपाउँदा तरकारी बाली पहेँलिदै गएपछि किसानको चिन्ता बढेको हो ।
गत वैशाखमा त कैयौँ पटकको हावाहुरीसहितको वर्षाले लहरे तरकारीका बेला (लहरा) लतारेर सोतर बनाएको किसानको गुनासो छ । वर्षाको पानीले चुटेर फूल, चिचिला र फलसमेत चाउरिएर झर्न थालेपछि अपेक्षित तरकारी उत्पादन लिन नसकिने चिन्ताले यहाँका किसान पिरोलिएका हुन् । महोत्तरीको तरकारी पकेट क्षेत्र मानिने भेगमा पाँच दिनयता भने दिनहुँ नै पानी पर्दै आएको छ ।
लगातार पानी परिरहँदा गोडमेल र उपचार नपाउँदा तरकारी पहँेलिएको किसानको भनाइ छ । “लगातार पानी परिरहेको छ, गोड्न पाइएन”, जिल्लामै कहलिएका तरकारी उत्पादक किसान भङ्गाहा नगरपालिका–४ का सत्यनारायण यादव भन्नुहुन्छ, “गोडमेल नपाएपछि बारीभरि झार बढेको छ ।” बारीमा अहिले चिस्यान बढी हुँदा खनजोत गर्न नसकेर भदौरे तरकारी लगाउन नपाइएको किसान बताउँछन् । जेठभित्रै रोपी सक्नुपर्ने भदौरे तरकारीलाई अब ढिलो हुँदै गएको किसान बताउँछन् । “बारीमा पसी सक्नु छैन अहिले, पानीले माटो गालेको छ”, यादव भन्नुहुन्छ, “जेठ सकिनै लाग्यो, खै यसपालि भदौरे तरकारी रोप्न पाइने छाँट छैन ।”
लगातारको वर्षाले करेला, फर्सी, घिरौँला, झिमनी, लौका, बोडी, चिचिण्डा र परवलसहितका तरकारीका बेला (लहरा) पहैँलिएर सुकेका छन् । खासमा वैशाख अन्तिम साता र जेठका साता नै पिच्छे परेको पानीले हिउँदसम्म उत्पादन दिने लहरे र खोर्सानी, भाण्टासहितका तरकारी बाली पहेँल्याएर सुकाएको भङ्गाहा–४ कै अर्का तरकारी किसान सरोज महतो बताउनुहुन्छ ।
महोत्तरीका बर्दिवास नगरपालिकाको चेरु, माइस्थान, सोनापेटी, ढुङ्ग्रे, भब्सी, चेरु, टुटेश्वर, बरडाँडा र गणन्तासहितका बस्ती तरकारी बालीमा परबल खेतीका लागि पकेट क्षेत्र मानिन्छन् । यी स्थानमा लगाइएको परबल अहिले गोडमेल गर्न नसक्दा पानीले गालेर लहरा पहेँलिएका, चिचिला र फल पनि कलिलैमा चाउरिएका र चुँडिएर झरेका चेरुका परबल किसान वाणिकराज काफ्ले बताउनुहुन्छ । कृषि क्षेत्रकै लामो सरकारी सेवाबाट खेतीमा फर्कनुभएका काफ्ले अवकासप्राप्त सहसचिव हुनुहुन्छ ।
“भिरालो पाखो जग्गाको परवल त मौसममा सुधार आएर गोडमेल र उपचार गर्न पाए फर्कला कि ! तर, खेतका गरामा लगाइएको परवलको भने अब आस म¥यो”, काफ्लेले भन्नुभयो, “म आफैँ विज्ञ हुँ, गोडमेल र उपचारको कुरामा जानकार छु, तर, प्रकृतिका अघि बस् चल्दो रहेन छ , परवल लगाएको जग्गा चिस्यानले भासिने बनाएको छ, पसी सक्नु छैन, के को गोडमेल ! के को उपचार ?”
स्थायी सिँचाइको राम्रो प्रबन्ध नभएपछि थोरै सिँचाइबाट नै गर्न सकिने तरकारी खेतीलाई किसानले जीवन गुजाराको पेसा बनाएका छन् । जिल्लामा कूल करिब ७० हजार हेक्टर खेतीयोग्य जग्गामध्ये १० प्रतिशतमा मात्र कुलो नहरको सिँचाइ पुग्छ । बाँकी सबै जग्गा आकासे पानीकै भरमा गर्नुपर्ने भएको हुँदा कम सिँचाइले पुग्ने तरकारी खेती रोजेका किसानलाई अहिले लगातारको वर्षा नै पिरोलो बनेको छ । “खेत बारीमा भाण्टा, खोर्सानीका बोट र परवल, घिरौँला, झिमनी, रामतोरइ, करेला, फर्सी र लौकासहितका तरकारीका बेला पानीले गालेर सुक्दैछन्”, भङ्गाहा–४ पलारका तरकारी किसान सत्यनारायण चौधरी थारुले विरक्तिँदै भन्नुभयो, “बारीमा लरबर फल्नुपर्ने तरकारीका बिरुवा सुक्दै गएपछि घरगुजारा केले टार्ने होला…?” जिल्लामा विभिन्न मौसमका गरी वर्षभरिमा १० हजार हेक्टरभन्दा बढी जग्गामा तरकारी खेती हुँदै आएको छ ।
जिल्लाका बर्दिवास, भङ्गाहा, गौशाला, बलवा र मटिहानी नगरपालिका तरकारी बालीका उर्वर पकेटक्षेत्र मान्न्छिन् तर, पछिल्ला केही वर्षयता मौसमले साथ नदिँदा खेतीबाट अपेक्षित आम्दानी गर्न नसकेको किसानको भनाइ छ । बालीले मागेका बेला पानी नपाएर र नचाहिँदा मुसलधार पानी परेर उत्पादन हात लाग्न नसकेको किसान बताउँछन् । घर नजिकै बग्ने नदीनाला सिँचाइका लागि वरदान हुनपर्नेमा राज्यको उदासिनताले ती बर्सेनि घरखेत बगाउने अभिशाप बनेका बर्दिबास–९ पशुपतिनगरका ६५ वर्षीय किसान महेन्द्र महतो बताउनुहुन्छ । “खै हाम्रो त कर्मै खोटो पो हो कि क्याहो…?” महतोले भन्नुभयो । आफूहरुको यो मर्का तीनै तहका सरकारले बुझी दिनपर्ने किसान बताउँछन् ।
मधेस प्रदेश सरकारको भूमि व्यवस्था, कृषि तथा सहकारी मन्त्रालयले गत वर्ष नै किसानलाई राहत दिने बताए पनि ग्रामीण बस्तीका किसानले यो फाइदा लिन सकेका छैनन् । कुलो नहर नपुग्ने जग्गामा सिँचाइका वैकल्पिक उपायको अबलम्वन, कृषि बजारको वैज्ञानिक व्यवस्थापन र आधुनिक खेती प्रणालीका लागि किसानलाई बिउबिजन, मल र उपकरण (कृषि ज्यावल) सहज र सुलभ मूल्यमा पाउने व्यवस्था गरिने प्रदेश सरकारले जनाएको छ । जिल्लाका ग्रामीण बस्तीका किसान सरकारले दिने सुविधा बिना भेदभाव घरघरै पुग्नुपर्ने बताउँछन् ।
अबको डेढ हप्ताभित्र भारतबाट मल आउने
काठमाडाैं । कृषि तथा पशुपन्छी विकासमन्त्री महिन्द्रराय यादवले भारतबाट मल ल्याउनका लागि सुनिश्चित गराएका छन् ।
भारत भ्रमणमा रहेका कृषिमन्त्री यादवले सोमबार त्यहाँका रसायन एवं उर्वरक मन्त्रालयको जिम्मेवारी सम्हालेका स्वास्थ्य एवं परिवार कल्याणमन्त्री मनसुख एल. मण्डावियासँगको छलफलबाट सो सुनिश्चित गराएका हुन् ।
भारतसँग यसअघि नै जीटुजी (सकारदेखि सरकार) प्रणालीबाट नेपालले मल खरिद गर्ने भनी सम्झौता गरिसकेको छ । पाँच वर्षका लागि भएको सम्झौताअनुसार पहिलो वर्ष एक लाख ५० हजार मेट्रिक टन मल दिने सम्झौतामा उल्लेख छ । सम्झौता भए पनि भारतबाट मल आउनमा ढिलाइ भइरहेको थियो ।
देशमा मलको हाहाकार भइरहेका बेला भारतसँग मलका लागि नेपालले पटकपटक छलफल गरेको थियो तर सम्झौताअनुसार मल आइरहेको थिएन । मल आउन ढिलो भएका कारण समस्या बढ्दै गएपछि कृषिमन्त्री यादव मलको विषयमा कुरा गर्नका लागि आफै भारत गए ।
सोही क्रममा उनले रसायन एवं उर्वरकमन्त्री मण्डावियासँग छलफल गरेपछि मल आउन सुनिश्चित भएको हो । कृषिमन्त्री यादवले अबको एक/डेढ हप्ताभित्र भारतबाट मल आउन सुरु हुने बताए । यो खबर आजको गोरखापत्र दैनिकमा छापिएको छ ।
बौनिया । विश्व वातावरण दिवसको अवसरमा बौनिया जेसीजले वृक्षारोपण कार्यक्रम गरेको छ । आइतबार बौनिया जेसीजको आयोजनामा कैलालीको बर्दगोरिया ४ स्थित पर्यटकिय क्षेत्र पुरैना तालमा वृक्षरोपण गरिएको हो ।
विधिको शासन, मानवताको सेवा जस्ता सुन्दर आस्था बोकेको १८ देखि ४० वर्ष उमेर समूहका युवाको नेतृत्व, व्यक्तित्व एवं उद्यमशिलताको विकास गर्ने अभियानमा अग्रसर जेसीआई नेपालको शाखा बौनियाले विश्व वातावरणको दिवसका अवसरमा पुरैना तालको क्षेत्रमा ११५ ओटा विरुवा रोपेको हो ।
बौनिया जेसीज वर्ष २०२२ का अध्यक्ष जेसी कृष्ण प्रसाद ओझाको सभाअध्यक्षतामा भएको कार्यक्रमको प्रमुख अथिती बर्दगोरिया गाउँपालिका वडा नम्बर ४ का अध्यक्ष जगत बहादुर शाही रहेका थिए ।
बौनिया जेसीजले गरेको वृक्षरोपण कार्यक्रमलाई वडा नम्बर ४ मा संचालित प्रधानमन्त्री रोजगार कार्यक्रमका सहभागीले सहयोग गरेका थिए ।
बौनिया । कैलालीको बर्दगोरिया गाउँपालिका वडा नम्बर ६ बास्कोटीमा खेतमा चर्दै गरेका ८ ओटा बाख्राको मृत्यु भएको छ । बर्दगोरिया ४ निवासी पार्वती साउदले पालेका ८ ओटा बाख्राको आइतबार अपह्रान्न्न चर्दै गर्दा मरेका हुन ।
साउदले पार्वती पशुपन्छी फाम संचालन गरि व्यवसायीक रूपमा बाख्रा पालन गर्दै आएकी छ्न । बर्दगोरिया ४ मा आफ्नो जग्गा अपुग हुँदा उनले बास्कोटीमा जग्गा भाडामा लियर खोर संचालनको तयारी गरेकी थिइन । तर आइतबार खेतमा चर्दै गरेको अबस्थामा छट्पटीदै उनले पालेका तीन खसी, बिजार जातको एक बोका,र ४ माउ बाख्रा मरेका हुन ।
बाख्रा के कारणले मरे भन्ने बारेमा थाहा नभएको पार्वतीले बताइन् । तर एकैपटक ८ ओटा बाख्रा मरेपछि करिब २ लाख बढीको क्षती भएको उनले बताइन्न । उनले भनिन हामीले केही दिन अगाडि मात्रै जग्गा भाडामा लियर खोर व्यवस्थापनको काम थालेका थियौ, तर आजै ८ ओटा बाख्रा सामुहिक मरे, अब साना पाठासहित १२ ओटा मात्रै जिबित छ्न ।
घटनास्थ्लमा प्रहरी प्रशासन र स्थानीय जनप्रतिनिधिको टोलि पुगेर मुचुल्का उठाएको छ ।
बर्दगोरिया १ मा आगलागी ,कति भयो क्षति ?
बौनिया । कैलालीको बर्दगोरिया गाउँपालिका वडा नम्बर १ मा आइतबार दिउँसो आगलागी भएको छ । मुडा गाउँ स्थित स्थानीय भोक कुमार कठरियाको गहुको नल नस्ट गर्ने क्रममा हावाको वेगका कारण आगलागी भएको हो ।
आगलागीबाट कठरियाको एक थ्रेसर, दुई ट्राली, दुई गोठ, गोठमा राखिएको काठ जलेर नस्ट भएको छ । आइतबार दिउँसो दुई बजेतिर आगलागी भएको थियो ।
स्थानीय ,सडकपुर बौनियामा रहेको प्रहरी टोली ,म्यादी प्रहरीको सहयोगमा करिब तीन घण्टापछि आगो नियन्त्रणमा लिइएको थियो ।तस्बिर धिरज शाहीबाट
बर्दगोरिया ६ मा कृषि हाटबजार तथा चिस्यान केन्द्र व्यवस्थित रूपमा संचालनको तयारी
बौनिया । कैलालीको बर्दगोरिया गाउँपालिका वडा नम्बर ६ मा निर्माण गरिएको पृथ्वीपुर कृषि हाटबजार तरकारी संकलन तथा चिस्यान केन्द्रलाई व्यवस्थित रूपमा संचालनको तयारी थालिएको छ । स्थानीय किसानले उत्पादन गरेका कृषि सामाग्रीलाई बजारीकरणका लागि स्थानीय स्तरमै सुबिधा दिने उदेश्यका साथ पृथ्वीपुर कृषि हाटबजार तरकारी संकलन तथा चिस्यान केन्द्र निर्माण गरिएको थियो ।
सो कृषि उपज हाट बजारलाई दीर्घकालिन रुपमा कसरी व्यवस्थापन गरि संचालन गर्न सकिन्छ भन्ने विषयमा बुधबार सरोकारवाला निकायका बिचमा अन्तरक्रिया गरिएको छ ।कृषि हाटबजार तथा पुर्वाधार व्यवस्थापन उपभोक्ता समितीको आयोजना तथा बर्दगोरिया गाउँपालिकाको सहयोगमा भएको कार्यक्रममा बर्दगोरिया ४,५,६ र जोशीपुर ६ सिम्रीका किसान तथा सरोकारवाला निकायको उपस्थिति रहेको थियो ।
कार्यक्रममा बर्दगोरिया वडा नम्बर ६ का अध्यक्ष रामकृष्ण डगौरा थारुले पृथ्वीपुर कृषि हाटबजार तरकारी संकलन तथा चिस्यान केन्द्रलाई दीगो बनाउने उद्देश्यका साथ कृषक तथा व्यापारीले उचित लाभ पाउनसक्ने गरि संचालन गरिने बताए ।
उनले किसानहरुको मुख्य आम्दानीको स्रोत तरकारी तथा फलफुल भएकाले व्यवस्थित हाट बजारमा सधैभरी कृषि उपज बिक्रीका लागि साताको एकदिन हाटबजार नै संचालन गरिने बताए । उनले भने उक्त स्थान कृषि पर्दनका लागि मात्रै नभैइ अन्य विबिध कार्यमा समेत उपयोगी भएको हुदा सातामा एक दुईदिन कृषि बजार(मेला) र बाकी अन्य कार्यक्रमका लागि सदुपयोग गर्न सकिने र राजस्वमा समेत वृद्धि गर्न सकिने बताए ।
कार्यक्रममा बर्दगोरिया गाउँपालिका कृषि शाखा प्रमुख झङ्कर बहादुर रावतले कृषि क्षेत्रको विकास र किसानको आयस्तर माथि उकास्नका लागि बजारीकरण र ब्यवसायिकरण प्रमुख विषय भएको बताए ।
कार्यक्रममा सहभागी किसानले हाटबजार संचालनमा आउनु आम किसानका लागि खुशीको कुरा भएको बताए । उनीहरूले यसका साथै उत्पादित कृषि सामाग्रीको उचित मूल्य निर्धारण र ब्यवस्थापन तथ व्यवसायीकरणमा जोड दिन आवश्यक भएको बताए । यसैबीच उनीहरूले कृषि कर्जा ,सहुलियत र अनुदान ,सिचाइ सुबिधा ,मल खाद र बीउ बिजन ,बीमा कम्पनीको सहयोग आवश्यक भएको समेत बताए ।