जोशीपुर,कैलाली । कैलालीको जोशीपुर गाउँपालिका वडा नम्बर २ का वडा अध्यक्ष हेमलाल चौधरीले वडाको चाैतर्फि विकासमा आफ्नो ध्यान केन्द्रित भएको बताउनु भएको छ । जनताको विकास र समृद्धिका लागि पछिल्लो समय वडामा धेरै प्रगति भएको उहाँले बताउनुभयो ।
संघीयताको कार्यान्वयन तथा स्थानीय तहमा जनप्रतिनिधीको नेतृत्व स्थापित भएपछि अहिले गाउँ गाउँसम्म विकासले गति पाउदै गएको उहाँले बताउनुभयो । स्थानीय नागरिकको स्वास्थ्य,शिक्षा ,कृषि तथा खानेपानीको निम्ति वडामा राम्रो काम भएको उहाँले बताउनुभयो । चौधरीले सडक, खानेपानी, धार्मिक तथा सास्कृतिक क्षेत्रको विकासमा पनि वडाले विशेष काम गरेको बताउनुभयो ।
वडा अध्यक्ष चौधरीले स्रोत साधनले भ्याएसम्म वडाको समग्र क्षेत्रलाई समेट्दै निरन्तर अगाडी बढीरहेको बताउनुभयो । उहाँले वडामै जनताको आधारभुत स्वास्थ्य सेवाका लागि स्वास्थ्य इकाई केन्द्र संचालनमा ल्याएको बताउनुभयो ।
उहाँले आफ्नो कार्यकालको करिव ५ वर्षको यो घडीमा वडा नम्बर २ स्थित गढी पिपल चौतारा चोकदेखि काडा नदिसम्म करिव ३८० मिटर सडक कालोपत्रे गरिएको, गढी कृषि रोडदेखि लोहागढ सम्मको करिव १५ सय मिटर सडक पिच गरिएको जानकारी दिनुभयो । यसैगरी उहाँले पीएसीदेखि नवलपुर सम्मको करिव १७ सय मिटर सडक कालोपत्रे अन्तिम चरणमा पुगेको जानकारी दिनुभयो ।
उहाँले वडाका नागरिकलाई सहजताको लागि तीनवटा पीएसी भवन, प्राथमिक स्वास्थ्य इकाइको भवन, स्कुलहरुको घेराबार, पर्खाल निर्माण ,शैक्षिक सामाग्री वितरण ,वडा नम्बर दुई र तीन जोड्ने स्थानीय काडा नदिमा झोलुङ्गे पुल निर्माणको तयारी भएको र जसका लागि उपभोक्ता समिती गठन भैसकेको तथा बजेटको प्रवन्ध मिलाइएको बताउनुभयो ।
यसैगरी वडा अध्यक्ष चौधरीले गढी बजारदेखि पश्चिम् जाने बाटोको स्तरोन्नतिको काम भैरहेको बताउनुभयो । उहाँले वडाका गरिब,विपन्न वर्गलाई खानेपानीका लागि प्रत्येक वर्ष फिल्टर वितरण गर्दै आएको बताउनुभयो । उहाँले नागरिकको धार्मिक तथा सास्कृतिक क्षेत्रको विकासका लागि वडाका प्रत्येक टोलमा ४ वटा मन्दिर निर्माण गरेको र गढीमा चर्च निर्माणाधीन अबस्थामा रहेको बताउनुभयो ।
उहाँले सिचाइको सुविधाको लागि प्रत्येक साल स्थानीय किसानलाई समुहमार्फत बोरिङ उपलब्ध गराउदै आएको र हालसम्म ५० जति बोरिङ बितरण गरिएको बताउनुभयो । यसैगरी वडा अध्यक्ष चौधरीले वडा कार्यालय निर्माणको लागि डिपिआर तयार भएको र छिट्टै निर्माणको काम हुने बताउनुभयो ।
वडा अध्यक्ष चौधरीले आगामी कार्ययोजना अनुसार वडाको सम्पुर्ण बाटो कालोपत्रे गर्ने, शिक्षा ,स्वास्थ्य , सडक र सामाजिक सुरक्षा ,तथा दलित विपन्नलाई राहात र स्कुले विद्यार्थीको लागि छात्रवृत्ति वितरणमा ध्यान केन्द्रित भएको बताउनुभयो ।
काठमाडौं । पौराणिक कार्यक्रम ‘रामायण’ मा रावणको भूमिका निभाएका अरविन्द त्रिवेदीको निधन भएको छ ।
सन् १९८० को दशकमा दूरदर्शनमा प्रसारित हुने रामानन्द सागरको निकै लोकप्रिय धारावहिक ‘रामायण’ मा रावणको भूमिका निभाउने अभिनेता अरविन्द त्रिवेदीको गएराति निधन भएको भारतीय संचार माध्यमहरुले जनाएका छन् । उनको उमेर ८२ वर्ष थियो ।
हिजो मङ्गलवार राति ११ बजे आफ्नो घरमा उनको निधन भएको हो । उनी लामो समयदेखि स्वास्थ्य समस्याबाट पीडित थिए । ‘रामायण’ मा रावणको भूमिका निभाउनुका साथै त्रिवेदीले धारावाहिक ‘विक्रम और बेताल’ मा पनि महत्त्वपूर्ण भूमिका निभाएका थिए । यसका साथै उनी गुजराती सिनेमा जगतमा पनि परिचित थिए ।
स्टकहोम । नोबेल कमिटीले सन् २०२१ को भौतिक शास्त्रतर्फको नोबेल पुरस्कार तीन जनालाई दिने घोषणा गरेको छ । नोबेल पुरस्कार पाउनेमा मध्ये अमेरिकी जापानी नागरिक स्युकुरो मानाबे, जर्मनी क्लाउस हस्सेल्मान र इटलीका जर्जीयो पारिसी रहेका छन् ।
उनीहरूलाई जलवायु परिवर्तनको भविष्यवाणी गर्न र जटिल भौतिक प्रणालीबारे बुझ्न गरेको अनुसन्धानका लागि नोबेल पुरस्कार दिन लागिएको नोबेल कमिटीले जनाएको छ । जलवायु परिवर्तनसम्बन्धी विश्व सम्मेलन हुन लागेको ठीक एक हप्तापछि मङ्गलबार नोबेल कमिटीले पुरस्कारको घोषणा गरेको हो ।
विश्वभरी तापक्रमको मात्रा बढेको र जलवायु परिवर्तनबाट उत्पन्न हुने समस्याहरू बढ्दै गएको भन्दै विश्वकै ध्यान खिच्नेगरी सम्मेलन गर्न लागिएको आयोजकहरूले जनाएका छन् । जलवायु परिवर्तनले पारेको असरलाई न्यूनीकरण गर्न सघाउने गरी अनुसन्धान गरेकाहरूलाई नोबेल पुरस्कार प्रदान गर्नुलाई थप सकारात्मक रूपमा हेरिएको छ ।
पुरस्कार पाउनेमध्ये मानाबे ९० वर्षको र हस्सेलमान ८९ वर्षको हुनु भएको छ । उहाँहरूले जलवायु परिवर्तनको परिमार्जनशीलता र जलवायुको पूर्वानुमानसम्बन्धी अनुसन्धान संयुक्त रूपमा गर्नुभएको थियो । त्यसैगरी ७३ वर्षका वैज्ञानिक पारिसीलाई भने परमाणुदेखि ग्रहसम्म उतारचढावको अन्तरक्रियाको बारेमा अनुसन्धान गरेकाले पुरस्कार दिन लागिएको नोबेल कमिटीले जनाएको छ ।
नोबेल कमिटीले यसअघि शरीरले मानव स्पर्श र तापक्रम महसुस गर्ने प्रक्रियामा गरेको अध्ययनका लागि दुई वैज्ञानिकलाई सन् २०२१ को नोबेल पुरस्कार दिने घोषणा गरेको थियो । अमेरिकका दुई वैज्ञानिक डेभिड जुलियस र आर्डेम पाटापौटियनलाई चिकित्सातर्फको नोबेल पुरस्कार दिने निर्णय भएको थियो । रासस/एएफपी
काठमाडौं । केही दिनभित्रै कोरोनाविरुद्धको खोप सवा तीन करोड मात्रा नेपाल भित्रिने भएको छ । स्वास्थ्य तथा जनसङ्ख्या मन्त्रालयका अनुसार कोरोनाविरुद्ध प्रयोग गरिने विभिन्न कम्पनीको सवा तीन करोड मात्रा खोप आउने निश्चित भइसकेको छ ।
विभिन्न देशबाट विभिन्न कम्पनीको सवा तीन करोड मात्रा खोपमध्ये फाइजर, कोभिसिल्ड, भेरोसेल खोप केही दिनभित्रै नेपाल भित्रिने स्वास्थ्य मन्त्रालयले जनाएको छ । मन्त्रालयका सहप्रवक्ता डा. समीरकुमार अधिकारीले भने, “केही दिनभित्रै कोभिसिल्ड आउने छ । अरू कम्पनीको खोप पनि आउँदैछन् ।”
मन्त्रालयको परिवार कल्याण महाशाखाअन्तर्गत खोप शाखा प्रमुख सागर दाहालले सवा तीन करोड मात्रा खोप आउने निश्चित भएको जानकारी दिए । तत्काल भारतबाट कोभिसिल्ड खोप १० लाख मात्रा आउन लागेको उनले जानकारी दिए। यसैगरी चीनबाट थप १६ लाख मात्रा खोप अनुदानमा आउने भएको छ ।
मन्त्रालयका अनुसार दशैँलगत्तै एक लाख फाइजर खोप आउने छ । उक्त खोप अस्पतालमा रहेका दीर्घरोगीहरूलाई लगाइने छ । फाइजर खोप १२ देखि १८ वर्षसम्मका बालबालिकालाई समेत लगाउन मिल्ने खोप हो ।
माल्दिभ्सबाट दुई लाख मात्रा खोप पनि छिटै आउन लागेको बताइएको छ । क्यानडाबाट चार लाख मात्रा खोप आउने भएको छ । यसैगरी, फाइजर खोप ६० लाख मात्राका लागि पनि प्रक्रिया सुरु भइसकेको छ ।
मन्त्रालयका सहप्रवक्ता डा। अधिकारीका अनुसार मोडर्ना खोप ४० लाखका लागि पनि सुनिश्चित भएर प्रक्रियामा रहेको छ । आगामी पुसभित्र सवा करोड खोप नेपाल आइसक्ने र नेपालले कोभ्याक्स सुविधामार्फत पाउने ६० लाख मात्रा खोप आउन बाँकी रहेको जानकारी उनले दिए ।
यस्तै, चीनसँंग खरिद सम्झौता भएको थप ६० लाख मात्रा खोप पनि नेपाल ल्याइने प्रक्रियामा छ । हालसम्म एक करोड ७८ लाख ५८ हजार मात्रा खोप यसअघि नै आइसकेको समाचार गोरखापत्र दैनिकमा छ ।
बौनिया,कैलाली । तलबभत्ता नपाएको भन्दै आन्दोलित बर्दगोरियाका सामुदायिक विद्यालयका शिक्षक–कर्मचारीले मंगलबार बिहान पालिकाको कार्यालयमा गरेको तालाबन्दी खुलेको छ । आन्दोलित शिक्षक कर्मचारी र गाउँपालिकाका पदाधिकारी बिच माग पूरा गर्ने सम्बन्धमा भएको छलफल सकारात्मक देखिएपछि साझ साढे ६ बजे तालाबन्दी खुला गरिएको बताईएको छ ।
तालाबन्दीका कारण गाउँपालिकाबाट नागरिकले पाउने सम्पुर्ण सेवा दिनभर प्रभावित बनेको थियो । शिक्षकहरुले उठाएका मागका सम्बन्धमा मंगलबार दिनभर दुई पक्षिय बार्ता भएको थियो । जसमा शिक्षकहरुको तर्फबाट उदय सिंह बीसी र पालिकाको तर्फबाट गाउँपालिका अध्यक्ष बलिराम डगौरा थारुको संयोजकत्वमा वडा नम्बर १ का अध्यक्ष जयरुप खतिवडा ,वडा नम्बर ५ कि अध्यक्ष श्याम कुमारी थारुको सहभागीता रहेको थियो ।
बार्तामा शिक्षकहरुले निजि स्रोत मावी तहकाले १९ हजार निमावी तहले १७ हजार ,प्रावितहका शिक्षकले १६ हजार ,लेखापालले ९ हजार ,विद्यालय कर्मचारी सहायकले ६ हजार र वालविकास शिक्षिकाले न्युनतम ७ हजार रुपैयाँ तलव सुविधा पाउनुपर्ने माग गरेका छ्न । यसैगरी वालविकास शिक्षिकाले नेपाल सरकारले थप गरेको २ हजार रुपैयाँ बर्दगोरिया गाउँपालिकाबाट निकासा नभएको हुँदा यथासक्य निकासा हुनुपर्ने र २० गतेभित्र सम्पुर्ण शिक्षक कर्मचारीले तलवभत्ता सहितको रकम भुक्तानी हुनुपर्ने माग राखेका थिए ।
शिक्षकले उठाएका मागहरु सम्बोधनका सम्बन्धमा बुधबार बिहान ८ बजे कार्यपालिका बैठक बस्ने भएको छ । सो बैठकमा पनि आफ्ना मागहरू सम्बोधन नगरिए पुन चरणबद्ध आन्दोलन गर्ने शिक्षकहरुले चेतावनी दिएका छ्न ।
गाउँपालिका अन्तर्गतका १७ सामुदायिक विद्यालयमा लेखापाल र कार्यालय सहयोगी गरि ३७ जना कर्मचारी, मावि र निमावि तहको शिक्षण सहयोग अनुदानमा ७ जना शिक्षक कार्यरत छन भने नीजिस्रोतबाट तलबभत्ता सेवासुविधा लिइरहेका ७० जना शिक्षक रहेको पालिकाको शिक्षा शाखाले जनाएको छ ।
बौनिया,कैलाली । विगत लामोसमयदेखि तलबभत्ता नपाएको भन्दै आन्दोलित बर्दगोरियाका सामुदायिक विद्यालयका शिक्षक–कर्मचारीले मंगलबार पालिकाको कार्यालयमा तालाबन्दी गरेका छन । तालाबन्दीका कारण गाउँपालिकाबाट नागरिकले पाउने सम्पुर्ण सेवा प्रभावित बनेको छ । पालिका अन्तर्गतका सामुदायिक विद्यालयमा कार्यरत नीजिस्रोत, बालविकास शिक्षक र विद्यालय कर्मचारीहरुको टोलिले तालाबन्दी गरेको हो ।
पालिका अन्तर्गतका १७ वटै सामुदायिक विद्यालयका शिक्षकहरुको टोलिले दसैंतिहार र छठपर्वलगायत ठूला चाँडपर्व नजिकै आएका बेला पालिकाले तलबभत्ता निकासा नगरी बेवास्ता गरेको तालाबन्दी गर्नुपरेको बताएका छ्न ।
उनीहरूले बालविकास शिक्षकहरुलाई नेपाल सरकारले तोकेको तलबभत्ता प्रदान गरिनुपर्ने, नीजिस्रोत शिक्षकहरुको गाउँपालिकाद्वारा प्रदान गरिने अनुदान रकम यथाशीघ्र निकासा हुनुपर्ने, विद्यालय कर्मचारीहरुको तलबभत्ता मासिक रूपमा निकासा हुनुपर्ने, शिक्षक कर्मचारीहरुको तलब भत्ता मासिक रूपमा निकासा हुनुपर्ने, शिक्षक अनुदान, शिक्षण सिकाई अनुदान प्राप्त गरेका विद्यालयलाई समयमा नै पत्राचार गरि शिक्षक नियुक्तिका लागि अनुमति दिनुपर्ने माग अघि सारिएको नेपाल शिक्षक महासंघ बर्दगोरियाका अध्यक्ष उदयसिंह बीसीले बताउनुभयो ।
गाउँपालिका अन्तर्गतका १७ सामुदायिक विद्यालयमा लेखापाल र कार्यालय सहयोगी गरि ३७ जना कर्मचारी, मावि र निमावि तहको शिक्षण सहयोग अनुदानमा ७ जना शिक्षक कार्यरत छन भने नीजिस्रोतबाट तलबभत्ता सेवासुविधा लिइरहेका ७० जना शिक्षक रहेको पालिकाको शिक्षा शाखाले जनाएको छ ।
यसअघि प्रावि तहमा १२ हजार, निमावि तहमा १३ हजार र मावि तहमा कार्यरत नीजिस्रोत शिक्षकले पालिकाबाट मासिक तलब बुझ्दै आएका थिए । त्यस्तै, बालविकास शिक्षक र विद्यालय कर्मचारीले नेपाल सरकारबाट निकासा हुने मासिक अनुदानमा ४ हजार थप तलब लिँदै आएका थिए ।
शिक्षा शाखाका प्राविधिक सहायक निरिख कर्णका अनुसार चालू आर्थिक वर्ष २०७८÷०७९ को साउनमहिनादेखि तलब निकासा रोकिएको छ । उहाँले प्रक्रियागत रूपमा शिक्षा कार्यविधिसमेत नभएकाले तलब निकासामा समस्या देखिएको बताउनुभयो ।
बर्दगोरिया गाउँपालिकाले चालू शैक्षिक वर्षमा नीजिस्रोतबाट तलबभत्ता खान पाउने गरि नियुक्ति भएका शिक्षकको पारिश्रमिक व्यवस्थापनका लागि २ करोड बजेट विनियोजन गरेको जनाएको छ ।
यता गाउँपालिका अध्यक्ष बलिराम डगौरा थारुले शिक्षकले उठाएका मागहरू बारे आफुले एकलौटी निर्णय गर्न नमिल्ने र नियम अनुसार तलब दिदै आईरहेको बताए । उनले भने सभा बाट २ करोड छुट्याइएको छ ,कार्यपालिकामा छलफल हुन बाकी भएका कारण शिक्षकको तलब हाल्न बाकी रहेको बताए ।
रमेश बम, बौनिया(कैलाली) । शिक्षकहरुको आन्दोलनका कारण कैलालीको बर्दगोरिया गाउँपालिको सम्पुर्ण कामकाज प्रभावित बनेको छ । विभिन्न पाँच बुदे मागहरू अघि सार्दै आन्दोलित बनेका बर्दगिरियाका शिक्षकहरूले पालिकामा मङ्गलबार तालाबन्दी गरेपछि सेवा ठप्प बनेको हो ।
आन्दोलित शिक्षकहरुले विगत लामो समयदेखि बर्दगोरिया गाउँपालिकाले यहाँका निजि स्रोत शिक्षक,बालविकास शिक्षक तथा विद्यालय कर्मचारीहरुको व्यवस्थापनका लागि प्रदान गरिदै आएको अनुदान रकम यसवर्ष निकाशा नभएको र बर्दगोरिया शिक्षक महासंघ तथा निजि स्रोत समितिद्वारा पेश गरिएका मागपत्रलाई व्यवास्ता गरिएको आरोप लगाएका छ्न ।
कार्यक्रममा नेपाल शिक्षक महासंघका ,नेपाल राष्ट्रिय शिक्षक संगठन, नेपाल शिक्षक संघ,अखिल नेपाल शिक्षक संगठन, बालविकास शिक्षकहरु लगाएत दर्जनौको उपस्थितिमा तालाबन्दी गरिएको हो ।
आन्दोलित शिक्षहरुले नेपालीहरुको महान पर्व विजया दशमी, तिहार तथा छटपर्वको मुखमा समेत पालिकाद्वारा शिक्षकहरुले पाउनुपर्ने सेवा सुविधा नपाएको भन्दै तत्काल सेवा सुविधा पाउनुपर्ने मागसहित यहाँका सम्पुर्ण सामुदायिक विद्यालयका प्रधानाध्यापक र नेपाल शिक्षक महासंघको सयुक्त अगुवाईमा सहमति र एक्यवद्धताका साथ स्थानीय तहमा दवाबमुलक कार्यहरू गर्ने जनाएका छ्न ।
उनीहरूले बालविकास शिक्षकहरूलाई नेपाल सरकारले तोकेको तलबभत्ता पाउनुपर्ने ,नीजिस्रोत शिक्षकहरुको गाउँपालिकाद्वारा प्रदान गरिने अनुदान रकम यथासिघ्र निकासा हुनुपर्ने ,विद्यालय कर्मचारीको पारिश्रमिक सेवा सुविधा तत्काल दिनुपर्ने ,शिक्षक कर्मचारीको तलब भत्ता मासिक रूपमा निकासा हुनुपर्ने र शिक्षक अनुदान ,शिक्षण सिकाई अनुदान प्राप्त गरेका विद्यालयलाई समयमा नै पत्राचार गरि शिक्षक नियुक्तिका लागि अनुमति दिनुपर्ने माग राखेका छ्न ।
सोमबार उल्लेखित मागहरू अघि सार्दै उनीहरूले बर्दगोरिया गाउँपालिकाको कार्यालयमा ध्यानाकर्षण पत्र समेत बुझाएका थिए । उनीहरूले आफ्ना जाएज मागहरू तत्काल पुरागर्न दवाब दिनका लागि मंगलबार सम्पुर्ण विद्यालय बन्द गरि पालिकामा तालाबन्दी सहित धर्ना दिइरहेका छ्न ।
गाउँपालिका अन्तर्गतका १७ सामुदायिक विद्यालयमा लेखापाल र कार्यालय सहयोगी गरि ३७ जना कर्मचारी, मावि र निमावि तहको शिक्षण सहयोग अनुदानमा ७ जना शिक्षक कार्यरत छ्न त्यस्तै, नीजिस्रोतबाट तलबभत्ता सेवासुविधा लिइरहेका ७० जना शिक्षक कार्यरत छन् ।
यसअघि प्रावि तहमा १२ हजार, निमावि तहमा १३ हजार र मावि तहमा कार्यरत नीजिस्रोत शिक्षकले पालिकाबाट मासिक तलब बुझ्दै आएका थिए । त्यस्तै, बालविकास शिक्षक र विद्यालय कर्मचारीले नेपाल सरकारबाट निकासा हुने मासिक अनुदानमा ४ हजार थप तलब लिँदै आएका थिए ।
जोशीपुर,कैलाली। कैलालीको जोशीपुर गाउँपालिका वडा नम्बर ५ का वडा देशराज चौधरीले वडाबासीको विकास र समृद्धिका लागि आफुले सन्तुलित र समावेशी प्रतिनिधित्वलाई मुख्य आधार बनाएको बताउनुभएको छ ।
आफ्नो कार्यकालको करिव पाँच वर्षको अबधिसम्म आइपुग्दा वडा अध्यक्ष चौधरीले विकासका हरेक क्षेत्रमा वडावासीको समावेशीता र सन्तुलित प्रतिनिधित्व गराएको बताउनुभयो । वडा अध्यक्ष भन्नुभयो – मैले सम्पुर्ण वडाबासीको मत लियर जितेको हु, त्यसैले विकासका हरेक मुद्दामा सवैलाई समेटेर लिएको छ । वडाबासीको हरेक दुःख–सुखमा साथ दिँदै वडाको विकासमा स्थानीयको उल्लेखनीय साथ समेत पाएको छु ।
वडा अध्यक्ष चौधरीले वडालाई नमुना वडा बनाउनका लागि आवश्यक शिक्षा, स्वास्थ्य, सडक जस्ता पूर्वाधार विकासमा नै आफुहरु बढी केन्द्रित भएको र यहाँको धार्मिक र सांस्कृतिक क्षेत्रको संरक्षण गर्दै जनताका चाहना र आवश्यकता पुरा गर्दै आएको बताउनुभयो ।
उहाँले चालू आर्थिक वर्षमा वडाको बजेटको कुल ७० प्रतिशत रकम भौतिक पुर्वाधार र ३० प्रतिशत बजेट लक्षित बर्गको उत्थानका लागि छुट्याएको जानकारी दिनुभयो । उहाँले आफ्नो कार्यकालमा वडाको करिव ३५ सय मिटर बाटो कालोपत्रे गरिएको र सतप्रतिशत बाटोहरु ग्राभेल गरिएको बताउनुभयो ।
वडा अध्यक्ष चौधरीले वडा नम्बर ५-७ जोड्ने गरि झोलुङ्गे पुल निर्माणको चरणमा रहेको, यसको लागि उपभोक्ता समिती गठन र बजेटको व्यवस्थापन समेत गरिसकिएको बताउनुभयो । यसैगरी जनता माविको भवन निर्माण प्रदेश सरकारको सहयोगमा सामुदायिक भवन र खानेपानीको भवनसमेत आफ्नै पहलमा गरिएको दावी गर्नुभयो । यसैगरी उहाँले शिव शक्ति महिला समुहको भवन समेत निर्माणको अन्तिम चरणमा पुगेको जानकारी दिनुभयो ।
,
काठमाडौ । साफ च्याम्पियनसिप २०२१ को दोस्रो खेलमा श्रीलंकालाई हराउँदै नेपाल अंक तालिकाको शीर्ष स्थानमा उक्लिएको छ । सोमबार माल्दिभ्सको मालेस्थित राष्ट्रिय रंगशालामा श्रीलंकालाई ३-२ ले हराउँदै नेपालले लगातार दोस्रो जित दर्ता गरेको हो ।
खेलको पहिलो हाफमा सुमन लामा तथा दोस्रो हाफमा अन्जन विष्ट र आयुष घलानले नेपालका लागि गोल गरे । श्रीलंकाका मर्विन ह्यामिल्टन र डिलन दे सिल्भाले गोलअन्तर घटाएका थिए । खेलको ३० औं मिनेटमा नेपालले सुमन लामाको गोलमा अग्रता लियो । नवयुग श्रेष्ठले मिडफिल्डबाट आएको बलमा डिफेन्डरलाई छक्याउँदै दिएको पासलाई सुमनले पेनाल्टी क्षेत्रभित्र लग्दै गोल गरेका थिए ।
दोस्रो हाफको सुरुवातमै श्रीलंकाका गोलरक्षक नेपालको प्रयासमा बाधक बने । अन्जन विष्टले झन्डै २५ यार्ड टाढाबाट गरेको फ्रिकिकलाई सुजनले डाइभ दिँदै सुन्दर बचाउ गरे । ५२ औं मिनेटमा अन्जनकै गोलमा नेपालले अग्रता दोब्बर पार्यो ।
५६ औं मिनेटमा काभिन्दु इशानको प्रहार गोलरक्षक बिट भइसकेको अवस्थामा सुमन अर्यालले गोललाइनबाट बल क्लियर गर्दै नेपालको २ गोलको अग्रता कायम राखेका थिए । तर त्यसै क्लिअरेन्समा बनेको मुभमा श्रीलंकाले गोल फर्कायो । मार्विन ह्यामिल्टनले झन्डै २५ यार्ड टाढाबाट गरेको शक्तिशाली प्रहार सिधै गोलमा परिणत भएको थियो । ६२ औं मिनेटमा काभिन्दुले पेनाल्टी क्षेत्रभित्र अनमार्क रहेको अवस्थामा गरेको प्रहार गौतम श्रेष्ठले छेक्दै नेपालको लागि खतरा टारेका थिए ।
६८ औं मिनेटमा नेपालले अग्रता बढाउने सुवर्ण अवसर खेर फाल्यो । काउन्टर अट्याकमा ३ भर्सेस १ को स्थितिमा अघि बढेको नेपालका लागि मनिषको पासमा सन्तोष तामाङले गोलरक्षकलाई बिट गर्न सकेनन् । उनको प्रहार गोलरक्षक सुजनले विफल पारेपछि आएको रिबाउन्डमा आयुष पनि गोल गर्न असफल रहे ।
७४ औं मिनेटमा मनिष डाँगीले काउन्टर अट्याकमा बढेको आक्रमणलाई फिनिस गर्न सकेनन् । श्रीलंकाका डिफेन्डर बिट भएपछि वन भर्सेस वनको स्थितिमा गोलरक्षक सुजनले मनिषको प्रहार बचाएका थिए । लगत्तै आयुषले अनमार्क रहेको अवस्थामा हेडरलाई पोस्टको दिशा दिन सकेनन् ।
८६ औं मिनेटमा आयुषले गोल गर्दै नेपाललाई जितनजिक पुर्याएका थिए । लगातार दोस्रो जितसँगै नेपालले २ खेलमा ६ अंक बनाएको छ । राउण्ड रोबिन लिगमा बंगलादेश २ खेलमा ४ अंक जोड्दै दोस्रो स्थानमा छ । भारत १ खेलमा १ अंकसहित तेस्रो स्थानमा रहँदा श्रीलंका र माल्दिभ्स अंकविहिन छन् ।
काठमाडौं । दसैं नजिकिएसँगै बजारमा म्याद सकिएका खाद्य सामग्री छ्यापछ्याप्ती पाइने गरेका छन् । वाणिज्य आपूर्ति तथा उपभोक्ता संरक्षण विभागले गरेको बजारमा अनुगमनमा म्याद सकिएका खाद्य सामग्रीमा नै व्यापारीले नयाँ म्याद राखेर उपभोक्तालाई बिक्रीवितरण गरी उपभोक्ताको स्वास्थ्यमा खेलबाड गर्ने गरेको पाइएको हो ।
बजार अनुगमन क्रममा पछिल्लो समय बजारमा म्याद सकिएको खाद्यवस्तुमा छ्यापछ्याप्ती पाइने गरेको विभागका एक अधिकारीले जानकारी दिए । महामारीका रूपमा फैलिएको कोरोना भाइरसका कारण गरिएको लकडाउनले खाद्य सामग्री गोदाममै थन्किएपछि दसैंको मौका छोपी व्यापारीले नयाँ म्याद राखेर सामान बिक्री गर्ने गरेको पाइएको विभागले जनाएको छ ।
विभागका प्रवक्ता शिवराज सेढाईका अनुसार खाद्यान्न पसलमा म्याद नाघेका बिस्कुट, स्निकर्स, मार्स चकलेट, बर्नभिटा, चिउरा, भुजियालगायतका खाद्यवस्तु र पेयपदार्थ छन् । पेयपदार्थमा रिएलजुस कोकोकोला प्mयान्टा, बोटलको पानी लगायतको म्याद नाघेका पाइन्छ । दसैंको मौका छोप्दै व्यापारीहरूले सही म्याद नाघेका खाद्य सामग्रीलाई व्यापारीले उपभोक्तालाई झुक्याएर बिक्रीवितरण गर्ने गरेका छन् ।
म्याद नाघेका खाद्य सामग्री बिक्री गरी उपभोक्ताको स्वास्थ्यमा खेलबाड गर्ने व्यापारीलाई कानुनी कारबाही गर्ने अधिकार वाणिज्य आपूर्ति तथा उपभोक्ता संरक्षण विभागलाई छ । विभागको अनुगमन निरीक्षण अधिकृतलाई कुनै व्यापारीले खाद्य सामग्रीमा उत्पादन मिति नराखेको, लेबलिङ नगरेको, म्याद नाघेको खाद्य वस्तु बिक्री गर्ने बिल बिजक नराखेको, व्यापारिक फर्म दर्ता गरी व्यापार व्यवसाय गरेको पाइएमा उपभोक्ता संरक्षण ऐन २०७५ बमोजिम तत्काल ५ हजारदेखि ३ लाख जरिमाना गर्न सक्ने अधिकार छ भने तीन महिनादेखि एक वर्ष कैद वा १ देखि ३ लाख रुपैयाँसम्म जरिमाना वा दुवै सजाय गर्न सक्ने अधिकार छ ।
विभागले सोही कानुनी अधिकारको प्रयोग उपभोक्ता झुक्याएर उनीहरूको स्वास्थ्यमा खेलबाड गर्ने व्यापारीलाई कारबाही गर्ने गरेको विभागका प्रवक्ता सेढाईले जानकारी दिए । उनले साउन भदौ दुई महिना कानुनविपरीत व्यापार गर्ने २ सय ४ व्यापारीलाई कारबाही २१ लाख ३७ हजार रुपैयाँ जरिमाना गराएको बताए । उनले साउन महिनामा ७० व्यापारीलाई कारबाही गरेको र भदौमा १ सय ३४ व्यापारीलाई कारबाही गरेको जानकारी दिए ।
उपभोक्ता अधिकार मञ्चका अध्यक्ष माधव तिमल्सिनाले बजारमा म्याद गुज्रिएका र लेबलिङ नगरेका खाद्य सामान पसलपसलमा पाइने गरेको बताए । ‘सरकारले म्याद गुज्रिएका र लेबलिङ नगरेका खाद्य वस्तु व्यापारीले बिक्री गरेको पाएको खण्डमा तत्काल नष्ट गर्नुपर्ने हुन्छ,’ मञ्चका अध्यक्ष तिमल्सिनाले भने, ‘तत्काल नष्ट नगर्दा सो सामान व्यापारीले नयाँ लेबलिङ गरेर उपभोक्तालाई झुक्यार बिक्रीवितरण गरी उपभोक्ताको स्वास्थ्यमा खेलबाड गर्ने गरेको देखिएको छ ।’ आजको राजधानी दैनिकमा समाचार छ ।
