बर्दगोरिया । कैलालीको बर्दगोरिया गाउँपालिकामा किसानलाई उन्नत जातको धान उत्पादन गर्न बीउ बितरण शुरु गरिएको छ । सोमबारदेखि पालिकाको कृषि शाखा र वडा नम्बर ६ मा रहेको कृषि सेवा इकाईमार्फत ५० प्रतिशत अनुदानमा किसानलाई उन्नत जातको वर्षे धानको बीउ वितरणको काम सुरु भएको हो ।
पालिकाको कृषि शाखाको आयोजना पालिकाभित्रका किसानलाई उन्नत जातको वर्षे धान वितरण गर्ने कार्य थालिएको हो । सोमबार कृषि शाखामा आयोजित एक कार्यक्रमका बिच पालिका अध्यक्ष कर्ण बहादुर कुवर र वडा नम्बर ६ मा रहेको कृषि इकाइमार्फत वडा अध्यक्ष रामकृष्ण डगौरा थारुले धानको बीउ वितरणको उद्घाटन गरेका छ्न ।
पालिकामा धानबाली प्रमुख बाली भएकाले धान उत्पादनमा प्रोत्साहन गर्न र पालिकालाई धान उत्पादनमा आत्मनिर्भर बनाउन बीउ बितरण गरिएको कृषि शाखा प्रमुख झङ्कर बहादुर रावतले बताउनुभयो ।
गतवर्ष कृषकलाई उन्नत जातको धानको बीउ बितरण गर्दा पालिकामा धान उत्पादन बढेको र धानको उत्पादन बढाउन यस पटक पनि बीउको लागि छुट्टै बजेट व्यावस्थापन गरि किसानलाई बीउ वितरण गरिएको उनले बताए ।
बर्दगोरिया । कैलालीको बर्दगोरिया गाउँपालिकाले संस्थागत विद्यालयको अनुगमन थालेको छ। पालिकामा विद्यार्थी भर्ना अभियान चलिरहेका बेला शिक्षा शाखाले यहाँ संचालित संस्थागत विद्यालयको अनुगमन थालेको हो ।
पालिकाले सामुदायिक विद्यालयतर्फ कक्षा १ देखि १० सम्म पुर्ण रूपमा निशुल्क घोषणा गरिसकेको अबस्थामा यहाँ संचालित संस्थागत विद्यालयको शैक्षिक तथा भौतिक अवस्थाको यथार्थ जानकारी लिन अनुगमन गरिएको शिक्षा शाखा प्रमुख नन्दा कुमारी भट्टले बताउनुभयो ।
पालिकामा संचालित संस्थागत विद्यालय मापदण्ड तथा सञ्चालन निर्देशिका बमोजिम सञ्चालन भए÷नभएका बारेमा अनुगमन सुरु गरिएको उहाँले बताउनुभयो ।
अनुगमनका क्रममा विद्यालयमा शिक्षक तथा विद्यार्थीको सङ्ख्या, भौतिक पूर्वाधार, विद्यार्थी शिक्षकको नियमितता, शैक्षिक गुणस्तर सुधारको योजना,खानेपानीको अबस्था, विद्यार्थी भर्ना तथा मासिक शुल्क लगायतका विषयमा जाचबुझ गरिएको पालिकाका उपाध्यक्ष तथा अनुगमन समिति संयोजक गणेश राज गिरिले बताउनुभयो ।
अनुगमन टोलिले आइतबार बर्दगोरिया ३ मा संचालित एनटी विएस बोर्डिङ स्कुलबाट अनुगमन सुरु गरेको हो । अनुगमनमा शिक्षा शाखा प्रमुख नन्दा कुमारी भट्ट, पालिका उपाध्यक्ष गणेश राज गिरि, गाउँपालिका प्रवक्ता एवं वडा नम्बर १ का अध्यक्ष मिथुन गौतमको सहभागिता रहेको थियो ।
काठमाडौं, २२ वैशाख । शान्तिका अग्रदूतका रूपमा विश्वमा परिचित सिद्धार्थ गौतमको २५६७औँ जयन्ती आज भगवान् विष्णुको नवौँ अवतारका रूपमा जन्म लिएका बुद्धको पूजा, आराधना एवं प्रवचन गरी मनाइँदै छ ।
प्रत्येक वर्ष वैशाख शुक्ल पूर्णिमाका दिन बुद्ध जयन्ती मनाइन्छ । सिद्धार्थ गौतमले विश्व शान्ति स्थापनाका लागि पुर्याएको योगदानको स्मरणस्वरूप यो पर्व मनाउने गरिएको हो ।
बुद्धको जन्म, ज्ञान प्राप्ति, महापरिनिर्वाण (मुत्यु) वैशाख शुक्ल पूर्णिमाकै तिथिमा परेकाले यस दिन नेपाललगायत विश्वका बौद्ध धर्मावलम्बीले बुद्धप्रति भावपूर्ण श्रद्धा र भक्तिले बुद्ध जयन्ती मनाउने गर्दछन् ।
“अहिंसा नै शान्ति र मैत्रीको आधारशिला हो”, यस्ता अनेकौँ कालजयी सन्देशका वाहक भगवान् गौतम बुद्धको २५६७औँ जयन्ती शान्तिको कामना गर्दै आज देशभर मनाउन लागिएको हो ।
बौद्ध धर्मावलम्बीले चैत्य, गुम्बा, विहारलगायत स्थलमा लामा एवं बौद्ध धर्मगुरु बसेर परम्परादेखि हुँदै आएको पूजालगायत विधि पूरा गरिन्छ । आम मानिसलाई बेलुकी घरमा दीपावली गरेर बुद्ध जयन्ती मनाउन सरकारले आह्वान गरेको छ ।
यस अवसरमा लुम्बिनी, स्वयम्भू, बौद्धलगायत स्थलमा विविध कार्यक्रम आयोजना गरी बुद्ध जयन्ती मनाउने परम्परा छ ।
इसापूर्व ५६३ अर्थात् आजभन्दा २५६७ वर्षअघि रुपन्देही जिल्लास्थित लुम्बिनी उद्यानमा पिता राजा शुद्धोधन र माता मायादेवीको गर्भबाट वैशाख शुक्ल पूर्णिमाका दिन सिद्धार्थ गौतमको जन्म भएको थियो ।
राजकुमारका रूपमा जन्म लिएका सिद्धार्थ गौतम मानिसले पाएका दुःख देखेर चिन्तित बनेर उनान्तीस वर्षको उमेरमा दरबार छोडी तपस्याका लागि निस्कएका थिए ।
नेपालगञ्जको होटल सोल्टीमा बसेका पूर्व राजपरिवारलाई बुधबार रामलीला मैदानमा नागरिक अभिनन्दन गरिएको थियो । यसअघि चैत २० गते पूर्वाञ्चलको सुनसरीस्थित इनरुवा मैदानमा नागरिक अभिनन्दन गरिएको थियो । अभिनन्दन मूल समारोह समितिका संयोजक एवं पूर्वमन्त्री केशरबहादुर विष्टको संयोजकत्वमा गठित नागरिक अभिनन्दन मूल समारोह समितिले पूर्वराजालाई अभिनन्दन गरेको हो ।
बर्दगोरिया । दिगो विकास र समृद्धिको मार्गलाई दुर्त गतिमा अगाडि बढाउदै गएको कैलालीको बर्दगोरिया गाउँपालिकाले यतिबेला सडक सुधारको कामलाई तीव्रता दिदै गएको छ ।
विकास र समृद्धिको मार्गचित्रलाई अनुसरण गर्द पालिकाले यसअघि उज्यालो पालिका अभियानलाई सार्थक पारिसकेको छ । उज्यालो पालिका अन्तर्गत पालिकाले आफ्नो क्षेत्रभित्र रहेका मुख्य सडक चोकहरुमा हाइमास्ट लाइट जडान गरि नागरिक र आवातजावत गर्नेलाई निकै सहजता तुल्याएको छ ।
गाउँपालिका अध्यक्ष कर्ण बहादुर कुवर, उपाध्यक्ष गणेश राज गिरि,प्रमुख प्रशासकीय अधिकृत अर्जुन सिंह कार्की र पालिकाका ६ वटै वडा अध्यक्षलगाएतको टीम समृद्ध पालिका निर्माणको गतिमा अगाडि बढिरहेका छ्न । उज्यालो पालिकासहित देशभर शिलान्यास गरिएका ३ सय ९६ वटा आधारभुत अस्पतालमा सबैभन्दा पहिला बर्दगोरिया गाउँपालिकाले नै संचालनमा ल्यायर नागरिकको तर्फबाट धन्यवादको पात्र बनिसकेको छ ।
यतिबेला पालिकाले ६ वटै वडामा रहेका सडकबाटाहरु मर्मत सुधार र स्तरोन्तिको कामलाई अगाडि बढाउदै हरेक कच्चीसडकमा ग्राभेलिङ सहित पानी पिचको कामलाई तीव्रता पारेको छ । लामो समयदेखि सडक मर्मत नहुदा आवातजावतमा हुने समस्यालाई मध्यनजर गरि पालिकाले सडक सुधारको काम अगाडी बढाइएको जनाएको छ ।
विशेषगरी ठेक्का प्रक्रियामार्फत सडक सुधारको काम गर्दा बर्सेनि लाखौ रकम खर्च हुने र काम प्रभावकारी नहुने हुँदा अब पालिका आफैले सडक सुधार ,सडक मर्मत र सडक स्तोरन्न्तीको काम अगाडि बढाएको हो । जसको लागि पालिकाले आफ्नै सवारी साधन खरिद गरि धमाधम काम थालेको छ ।
कच्ची सडकले पुर्याएको सास्ती र धुलो हिलाम्मे सडकले पुर्याउने असहजताल्याई ध्यानमा राखी पालिकाले सडक स्तोरन्ती गर्न दुई वडा टिप्पर, १ डोजर र १ रोलर मेसिन खरिद गरि तिब्र गतिमा काम थालेको छ । जसअनुसार पालिकाले आइतबार साझसम्म बर्दगोरिया ५ को रामपुरदेखि जोशीपुर सीमा क्षेत्रमा पर्ने लोहवागड सम्म करिब साढे ४ किलोमीटर सडक पानी पिचको काम सकिसकेको छ ।
आगामी ६ महिनाभित्र पालिकाभित्रका सम्पूर्ण सडक बाटाहरु पानी पिज र असार मसान्तसम्म सबै सडकका खाल्डाखुल्डी पुर्नेगरी काम थालिएको पालिका अध्यक्ष कर्ण बहादुर कुवरले बताए ।
अध्यक्ष कुवरकाअनुसार मुख्य सडकका खाल्डाखुल्डी पुर्ने, ग्राभेल गरिएका सडकको मर्मतसहित पानीपिच गर्ने, र ग्राभेल गर्न बाकी सडकमा ग्राभेल बिछ्याउने काम धमाधम हुनेछ ।
यता स्थानीय आफैले तिरेको करबाट किनिएका आफ्नै सरकारी सवारीसाधन आफ्नै गाउँठाउँको विकास निर्माणमा खटिदा निकै खुशी भएका छ्न ।
बर्दगोरिया । सुदुरपश्चिम प्रदेशका मुख्यमन्त्री कमल बहादुर शाहले कैलालीको बर्दगोरियामा निर्मित १५ शैया अस्पताल संचालनको लागि चाहिने आवश्यक उपकरण सामाग्री प्रदेश सरकारले व्यवस्थापन गर्ने प्रतिबद्धता जनाउनु भएको छ ।
शुक्रबार मुख्यमन्त्री शाहले देशभरमै पहिलो निर्माण कार्य पुरागरि संचालनमा आएको १५ शैयाको दोदोधरा आधारभुत अस्पतालको उद्घाटन गर्दै उहाँले सो प्रतिबद्धता जनाउनु भएको हो । देशभर एकैपटक शिलान्यास गरिएका १५ शैयाका ३ सय ९६ वटा आधारभुत अस्पताल मध्य सबैभन्दा पहिला बर्दगोरिया गाउँपालिकाले निर्माण कार्य पुरागरी संचालनमा ल्याउन सफल भएकोप्रति धन्यवाद दिदै निर्माण कार्यमा सक्रिय बनेर उदाहरणीय काम गर्ने निर्माण कम्पनीलाई धन्यवाद दिनुभयो ।
कार्यक्रमलाई सम्बोधन गर्दै मुख्यमन्त्री शाहले आफ्नै निर्वाचन क्षेत्रमा देशकै पहिलो १५ शैया दोदोधरा आधारभुत अस्पताल संचालनको उद्घाटन गर्न पाएकोमा आफै हर्सित भएको बताउनुभयो । उहाँले अब दोदोधरा अस्पताल व्यवस्थापन र संचालनमा यहाँका सबै नागरिक र स्थानीय सरकारले गम्भीरताका साथ लाग्नुपर्ने बताए ।
उनले अस्पताल संचालनमा रहदा चाहिने औजार ,मेसिन, तथा उपकरणको व्यवस्थापनको लागि प्रदेश सरकारले जिम्मा लिने बताउनुभयो ।
कैलालीको बर्दगोरिया गाउँपालिका वडा नम्बर १ मा १५ शैयाको अस्पताल संचालनमा आएको छ। तत्कालीन दोदोधरा स्वास्थ्य चौकीको स्तरबृद्धी गरी १५ शय्याको दोदोधरा अस्पताल बनाइएको हो ।
कुल १३ करोड ८३ लाख १८ हजार २ सय ८६ रुपैयाँ लागत रहेको १५ शय्या अस्पताल २०८० असार २० गते सम्पन्न गर्ने गरी लुम्बिनी/थोदुङ/शिव खिम्ती जेभीले २०७८ असार २० गते सम्झौता गरेको थियो । तर सो कम्पनीले सम्झौता सकिनु ४ महिना अगाबै अस्पताल निर्माणको काम पुरागरी स्थानीय सरकारलाई हस्तान्तरण गरेको थियो ।
अस्पताल संचालनमा आएसङ्गै अब सामान्य रोगको उपचारको लागि यहाँका नागरिकले धनगढी , नेपालगन्ज लगायतका शहरी अस्पतालमा जानु पर्ने बाध्यता हट्ने आशा गरिएको छ।
बर्दगोरिया । कैलालीको बर्दगोरिया गाउँपालिका वडा नम्बर १ मा १५ शैयाको अस्पताल संचालनमा आएको छ। तत्कालीन दोदोधरा स्वास्थ्य चौकीको स्तरबृद्धी गरी १५ शय्याको दोदोधरा अस्पताल बनाइएको हो ।
कुल १३ करोड ८३ लाख १८ हजार २ सय ८६ रुपैयाँ लागत रहेको १५ शय्या अस्पताल २०८० असार २० गते सम्पन्न गर्ने गरी लुम्बिनी/थोदुङ/शिव खिम्ती जेभीले २०७८ असार २० गते सम्झौता गरेको थियो । तर सो कम्पनीले सम्झौता सकिनु ४ महिना अगाबै अस्पताल निर्माणको काम पुरागरी स्थानीय सरकारलाई हस्तान्तरण गरेको थियो ।
अस्पताल संचालनमा आएसङ्गै अब सामान्य रोगको उपचारको लागि यहाँका नागरिकले धनगढी , नेपालगन्ज लगायतका शहरी अस्पतालमा जानु पर्ने बाध्यता हट्ने आशा गरिएको छ।
सुदुरपश्चिम प्रदेशका मुख्यमन्त्री कमल बहादुर शाहले शुक्रबार १५ शैया अस्पतालको ब्यानर उद्घाटनसंगै अस्पतालले आफ्नो प्रारम्भिक सेवा संचालनमा ल्याएको हो। अस्पताल संचालनको उद्घाटन गर्दै मुख्यमन्त्री शाहले स्थानीयस्तरमा १५ शैयाको अस्पताल उद्घाटन भएसंगै अब यहाँका गरिव, दीन दुखि र आर्थिक अवस्था कमजोर भएका विपन्न बर्गका नागरिकका लागि उपचार गर्न सहज हुने बताउनुभयो । 
उहाँले देशभर शिलान्यास भएका ३ सय ९६ वटा आधारभूत अस्पताल मध्य सबैभन्दा पहिले निर्माण कार्य पुरागरी संचालनमा ल्याउन सफल भएको भन्दै बर्दगोरिया गाउँपालिकालाई धन्यवाद दिए । उनले आगामी दिनमा अस्पताल संचालनको लागि चाहिने हरेक सामाग्रीको व्यवस्थापन प्रदेश सरकारले गर्ने प्रतिबद्धता जनाए ।
कार्यक्रममा लम्कीचुहा नगरपालिका प्रमुख शुसिला शाहीले अस्पताल संचालनमा आएसङ्गै नागरिकलाई आफ्नै घर आगनमा स्थापना भएको अस्पतालमा उपचार गर्न पाउने अवस्थाले निकै राहात पुर्याउने बताउनुभयो । उहाँले राज्य संघीय संरचनामा गएसंगै विस्तारै विकेन्द्रिकृत नीति अनुरुप सरकारले उपलब्ध गराउने सेवा सुविधा पनि जनताको घरआगनमा आउन थालेको र सामान्य नागरिकले पनि सरकारको सेवासुविधाको पहुँचमा पुग्ने सक्ने अवस्थाको सिर्जना भएकोले स्थानीयले आफ्नो ठाउँ र क्षेत्रको विकासको लागि सकरात्मक रचनात्मक सहयोग गर्नु पर्ने बताउनुभयो ।
बर्दगोरिया गाउँपालिका उपाध्यक्ष गणेश राज गिरिको स्वागत मन्तव्यसङ्गै शुरु भएको कार्यक्रम पालिका अध्यक्ष कर्ण बहादुर कुवरको सभाध्यक्षतामा सम्पन्न भएको हो ।
बर्दगोरिया । कैलालीको बर्दगोरिया गाउँपालिकामा लैङ्िगक समानता तथा सामाजिक समावेशीकरण सम्बन्धि एकदिने तालिम सम्पन्न भएको छ । मंगलबार बर्दगोरिया गाउँपालिका वडा नम्बर २ को आयोजनामा भएको तालिममा ९० जना बढीको उपस्थिति रहेकोे थियो ।
बर्दगोरिया गाउँपालिका वडा नम्बर २ का वडा अध्यक्ष गोविन्द विकको सभाध्यतामा भएको कार्यक्रमा वडा नम्बर २ का वडा सदस्य अट्वारी चौधरी ,कलावती ढुंगाना, मोहन चौधरी ,धौली देवि विक अथिती रहनुभएको भएको थियो ।
तालिममा सहभागीलाई वरिष्ठ अधिवक्ता ,कानुनबिद गणेश कडायत्ले प्रशिक्षण दिएका थिए । ९० जना बढी प्रशिक्षार्थी सम्मिलित तालिममा विशेष गरी नेपालमा महिलामाथि हुने विभेद, यातना र हिंसा न्यूनिकरण र कानुनी प्रक्रियाको विषयमा जानकारी गराइएको थियो ।
तालिमा सहभागीलाई समावेशीकरण राज्य संयन्त्रमा सबैको सहभागिताको अबस्था, समावेशीकरणले राज्य सञ्चालनका हरेक क्षेत्र एवम् अंगहरुका साथै महिला, दलित, गरिब वा पछाडि परेका वर्ग वा समुदायलाई राज्यको नीति निर्माण, निर्णय प्रक्रिया एवम् कार्यसम्पादन प्रक्रियामा अर्थपूर्ण सहभागी गराउने कार्य, समावेशीकरण ,विभेद न्यूनीकरण ,घरेलु तथा सामाजिक हिंसा र विभेद ,यसको न्यूनीकरण र कानुनी अबस्थाका बारेमा समेत जानकारी गराइएको थियो ।
बर्दगोरिया । कैलालीको बर्दगोरिया गाउँपालिका वडा नम्बर १ का वडा अध्यक्ष मिथुन गौतमले आफ्नो छोरालाई सरकारी विद्यालयमा भर्ना गराएका छन् । वडा नम्बर १ कट्टिपुरमा रहेको श्री वालकन्या माध्यामिक विद्यालयमा उनले छोरालाई भर्ना गराएका हुन् ।
समयमै भर्ना, समयमै ज्ञान, गुणस्तरीय शिक्षा सबैको अभियान` भन्ने मुल नारासहित देशभर विद्यार्थी भर्ना अभियान चलिरहेका बेला वडा अध्यक्ष गौतमले आइतबार छोरालाई सामुदायिक विद्यालयमा भर्ना गराएका हुन । उनका छोरा प्रसान्त गौतम कक्षा ९ मा भर्ना गरिएको हो । उनी यसअघि पनि सोही विद्यालयमा अध्यनरत विद्यार्थी हुन ।
पछिल्लो समय नेता तथा कर्मचारीका छोराछोरी सामुदायिक विद्यालय नभैइ संस्थागत विद्यालयमा आफ्ना छोराछोरी पढाउने गरेको आरोप चुलिरहेका बेला त्यसको चिरफार गर्न आफुले आफ्नो छोरालाई पुनः सामुदायिक विद्यालयमै भर्ना गराएको वडा अध्यक्ष गौतमले बताए ।
छोराको भर्नासँगै विद्यालयका तर्फबाट नयाँ पाठ्यपुस्तक वितरण गरीएको थियो । सामुदायिक विद्यालयहरूमा शैक्षिक गुणस्तर सुधार गर्नका लागि शिक्षक, सरकारी कर्मचारीहरू र जनप्रतिनिधिहरूले अनिवार्य रुपमा सामुदायिक विद्यालयमा छोराछोरी पढाउनु पर्ने विषयले चर्चा पाइरहेका बेला वडा अध्यक्ष गौतमले आफ्नो छोरालाई सामुदायिक विद्यालयमा भर्ना गराएका हुन् ।
सो क्रममा वडा अध्यक्ष गौतमले सामुदायिक विद्यालयमा नेता, सरकारी कर्मचारी तथा शिक्षकहरूले आफ्ना छोराछोरी भर्ना नगरेसम्म शिक्षाको गुणस्तर वृद्धि नहुने उनले बताए । 
सामुदायिक विद्यालयको शिक्षा गुणस्तरीय बनाउन भर्ना अभियानमा सहयोग गरेको उल्लेख गर्दै शिक्षक, कर्मचारीलगायत उच्च ओहोदाका व्यक्तिहरू अनिवार्य रुपमा आफ्ना बालबालिकालाई सरकारी विद्यालयमा भर्ना गर्न हुन उनले अनुरोध समेत गरे ।
वडा अध्यक्ष गौतम यसअघि बालकन्या माद्यामिक विद्यालयका विद्यालय व्यवस्थापन समितिका अध्यक्ष समेत हुन् । विद्यालय व्यवस्थापन समितिको अध्यक्ष हुँदा उनले विद्यालयको शैक्षिक तथा भौतिक पुर्वाधार विकासमा ठूलो योगदान पुर्याएका थिए ।
बर्दगोरिया । कैलालीको बर्दगोरिया गाउँपालिका वडा नम्बर १ का मा संचालित बालकन्या माध्यमिक विद्यालयमा आइतबारदेखि पुर्ण निशुल्क विद्यार्थी भर्ना अभियान सुरु भएको छ । समयमै भर्ना, समयमै ज्ञान, गुणस्तरीय शिक्षा सबैको अभियान` भन्ने मुल नारासहित सुरु भएको विद्यार्थी भर्ना अभियान कार्यक्रमको वडा नम्बर १ का वडा अध्यक्ष मिथुन गौतमले उद्घाटन गरेका छ्न ।
विद्यालय व्यवस्थापन समितिका जेष्ठ सदस्य चक्र बहादुर विष्टको सभाध्यतामा भएको कार्यक्रमका प्रमुख अथिती रहेका वडा अध्यक्ष गौतमले आफ्नो छोरालाई कक्षा ९ मा भर्ना गरि विद्यार्थी भर्ना अभियानको सुरु गरे ।
पछिल्लो समय नेता तथा कर्मचारीका छोराछोरी सामुदायिक विद्यालय नभैइ संस्थागत विद्यालयमा आफ्ना छोराछोरी पढाउने गरेको आरोप चुलिरहेका बेला त्यसको चिरफार गर्न आफुले आफ्नो छोरालाई पुनः सामुदायिक विद्यालयमै भर्ना गराएको वडा अध्यक्ष गौतमले बताए ।
छोराको भर्नासँगै विद्यालयका तर्फबाट नयाँ पाठ्यपुस्तक वितरण गरीएको थियो । सामुदायिक विद्यालयहरूमा शैक्षिक गुणस्तर सुधार गर्नका लागि शिक्षक, सरकारी कर्मचारीहरू र जनप्रतिनिधिहरूले अनिवार्य रुपमा सामुदायिक विद्यालयमा छोराछोरी पढाउनु पर्ने विषयले चर्चा पाइरहेका बेला वडा अध्यक्ष गौतमले आफ्नो छोरालाई सामुदायिक विद्यालयमा भर्ना गराएका हुन् ।
सो क्रममा वडा अध्यक्ष गौतमले सामुदायिक विद्यालयमा नेता, सरकारी कर्मचारी तथा शिक्षकहरूले आफ्ना छोराछोरी भर्ना नगरेसम्म शिक्षाको गुणस्तर वृद्धि नहुने उनले बताए । सामुदायिक विद्यालयको शिक्षा गुणस्तरीय बनाउन भर्ना अभियानमा सहयोग गरेको उल्लेख गर्दै शिक्षक, कर्मचारीलगायत उच्च ओहोदाका व्यक्तिहरू अनिवार्य रुपमा आफ्ना बालबालिकालाई सरकारी विद्यालयमा भर्ना गर्न हुन उनले अनुरोध समेत गरे ।
वडा अध्यक्ष गौतम यसअघि बालकन्या माद्यामिक विद्यालयका विद्यालय व्यवस्थापन समितिका अध्यक्ष समेत हुन् । विद्यालय व्यवस्थापन समितिको अध्यक्ष हुँदा उनले विद्यालयको शैक्षिक तथा भौतिक पुर्वाधार विकासमा ठूलो योगदान पुर्याएका थिए ।
कार्यक्रममा शिक्षक अभिभावक संघका अध्यक्ष मनोज विटालु,शिक्षक अभिभावक तथा विद्यालय व्यवस्थापन समितिका सदस्य तथा विद्यालयका प्रधानाध्यापक भुमी प्रसाद जैशी लगाएतले विद्यार्थीलाई पाठ्यपुस्तक हस्तान्तरण गरेका थिए ।
विद्यालयमा विद्यार्थी भर्नासंगै पाठ्यपुस्तक वितरण तथा नियमित पठनपाठनको कार्यक्रम समेत सुरु भएको विद्यालयमा प्रधानाध्यापक भुमी प्रसाद जैशीले बताए ।
