बर्दगोरिया । कैलालीको बर्दगोरिया गाउँपालिका वडा नम्बर ६ सुगरखालमा एकदिने निःशुल्क पशु स्वास्थ्य तथा खोप शिविर सम्पन्न भएको छ ।

पालिकाको पशु सेवा शाखाको आर्थिक वर्ष २०७९/८० को वार्षिक स्वीकृत कार्यक्रमअनुसार एकदिने निःशुल्क पशु स्वास्थ्य तथा खोप शिविर सम्पन्न भएको हो ।

पशु सेवा शाखा प्रमुख जय प्रसाद कोइरालाको सभाध्यक्षतामा भएको कार्यक्रमको प्रमुख अथिती बर्दगोरिया गाउँपालिका उपाध्यक्ष गणेश राज गिरि रहनुभएको थियो । कार्यक्रममा अथितिका रूपमा वडा नम्बर ६ का वडा अध्यक्ष रामकृष्ण डगौरा थारु(रन्जित) ,पशु सेवा प्राविधिक नर बहादुर चौधरी ,युवराज कठरियालगाएतको उपस्थिति थियो ।

शिविरबाट १२८ जना पशुपालन किसानले सेवा लिएका छ्न । शिविरमा ७१३ पशुको उपचार गरिएको छ । यता गाउँघरमै निःशुल्क सेवा तथा पशुको उपचार गर्न पाउँदा निकै खुसी लागेको स्थानीय किसानले बताए ।

बौनिया । कैलालीको बर्दगोरिया गाउँपालिका वडा नम्बर ५ स्थित रामपुरमस एक कार्यक्रमका बिच प्रधानमन्त्री रोजगार कार्यक्रमको आरम्भ गरिएको छ । श्रम सम्मान बर्दगोरियाको अभियान कार्यक्रमअन्तर्गत सोमबार सो कार्यक्रमको उद्घाटन गरिएको हो ।

बर्दगोरिया गाउँपालिकाको आयोजनामा वडाबाट सिफारिस भई आएका सुचिकृत बेरोजगारीका लागि लक्षित गरि संचालन गरिएको कार्यक्रमको सोमबार पालिका उपाध्यक्ष गणेश राज गिरिले उद्घाटन गरे ।

कार्यक्रममा बोल्दै गाउँपालिका उपाध्यक्ष गिरिले अब हरेक जनताको घरमा रोजगारको लागि अवसर आउने बाताबरण सृजना गरिनुको विकल्प नभएको बताए । बेरोजगार फाराम भरेका हरेक नागरिकलाई अबका दिनमा रोजगारीको लागि प्राथमिकताका आधारमा  अवर दिइने बताउँदै उनले भनेको बेला काममा नआउने श्रमिकहरुलाई बेरोजगारको सूचीबाट हटाइने बताए ।

जनताको प्रत्यक्ष सहभागितामा हुन लागेको कार्यक्रम गुणस्तरीय हुनुपर्ने धारणा राख्दै उपाध्यक्ष गिरिले मिहिनेतका साथ काममा लाग्न काममा खटिएका श्रमिकहरुलाई आग्रह गरे ।  उपाध्यक्ष गिरिले प्रधानमन्त्री रोजगार कार्यक्रमले जनताको गरिबी कम गर्नमा मद्दत पुग्ने धारणा राखे ।

कार्यक्रममा बर्दगोरिया गाउँपालिका वडा नम्बर ६ का वडा अध्यक्ष रामकृष्ण डगौरा थारु, पालिकाका रोजगार संयोजक भुमी शर्मा रिमाल लगाएतको उपस्थिति रहेको थियोे ।

बौनिया । कैलालीको बर्दगोरिया गाउँपालिका वडा नम्बर ५ मा बिहिवारदेखि जग्गाको निस्सा बितरण कार्य सुरु भएको छ । राष्ट्रिय भुमी आयोग संग भएको सम्झौता बमोजिम भुमिहिन शुकुम्बाशी ,भुमिहिन दलित, र अव्यवस्थित बसोबासिहरुलाई जग्गाको निस्सा बितरण गरिएको हो । 

बर्दगोरिया गाउपालिका वडा नम्बर ५ का अध्यक्ष भोलेराम चौधरीले स्थानियलाई औपचारिक रूपमा जग्गाको निस्सा बितरणको काम उद्घाटन गरेका हुन । पालिकाको लक्ष्य अनुसार कयौं बर्षदेखि अव्यवस्थित र भुमिहिनहरुले एलानी जग्गाको उपभोग गर्दै आए पनि हातमा लालपुर्जा नपाएर जग्गाको मालिक बन्न पाएका थिएनन् ।                                       

सोही अनुरुप निस्सा बितरण कार्यलाई अगाडी बढाउदा अब सबै जग्गाको मालिक बन्ने जग्गाको निस्सा बितरण गर्दै वडा अध्यक्ष चौधरीले बताए । जग्गाको निस्सा पाउँदा स्थानियमा खुशी छाएको छ । वडा अध्यक्ष चौधरीकाअनुसार आफुले उपभोग गर्दै आएका जग्गा धनिले अब चाडै लालपुर्जा समेत पाउने बताए ।

उनले जग्गा जोत,उपभोग गर्दै आएको प्रमाण स्वरुप जग्गाको निस्सा बितरण गरिएको बताए । जग्गाको नाप नक्सा अहिले प्रदान गरिएको निस्साको आधारमा हुने उनले बताए ।

बौनिया । कैलालीको बर्दगोरिया गाउँपालिका वडा नम्बर ५ मा रहेको श्री ठाकुरद्वारा ग्रामीण विधुत सहकारी संस्थाको ११ औ वार्षिक साधारणसभा आइतबार सम्पन्न भएको छ ।

सहकारी संस्थाका अध्यक्ष कालिराम चौधरीको सभाध्यक्षतामा भएको कार्यक्रमको प्रमुख अथिती वडा नम्बर ५ का वडा अध्यक्ष भोलेराम चौधरी रहनु भएको थियो । यसैगरी विशिष्ट अथितिमा जोशीपुर गाउँपालिका वडा नम्बर ७ कि बडघर चन्द्रीका चौधरी , अतिथिमा समाजसेवी तथा बुद्धिजीवी रामनारायण चौधरी ,हरीराम चौधरी रामचन्द्र चौधरी जुगराम चौधरी ,दल बहादुर बिक लगाएत रहनु भएको थियो ।

कार्यक्रमलाई सम्बोधन गर्दै प्रमुख अथिती भोलेराम चौधरीले गाउँ गाउँमा सहकारीको माध्यमबाट आर्थिक समृद्धिको लक्ष्य हासिल गर्न सहयोग पुगेको बताउनुभयो । उहाँले सहकारी संस्था नाफामुखी भन्दापनी सेवामुखी भावनाले अगाडि बढ्न आवश्यक रहेको बताउदै सहकारी संस्थाको दिगो विकास र व्यवस्थापनमा ध्यान दिन जरुरी रहेको बताउनुभयो ।

कार्यक्रममा संस्थाको आर्थिक वर्ष २०७८/७९ को आर्थिक प्रतिबेदन पेस गरिएको थियो । कार्यक्रमको संचालन सहकारी संस्थाका सचिब अमर सिंह धामीले गर्नुभएको थियो ।